যোয়েল 2:30 - Chakma Bible

³⁰ মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

যোয়েল 2:30 ပူးပေါင်းရင်းမြစ်များ

পত্থম 19:28

তে তলেদি সদোম, ঘমোরা আর বেক্‌ সংজাগায়ান ইন্দি রিনি চেইনে দেগিলোদে, চুলোত্তুন্‌ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্‌।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

সখরিয় 14:6

সেদিন্যে কনঅ পহ্‌র ন-থেবঅ, চানান্ আর বেলান্ আন্ধার্ ওই যেবঅ।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

লূকে লেখ্যে গম্ হবর্ 21:11

দর্‌‌গরেপারা ভূজোল্ বেবঅ আর নানান্ জাগাত্ ভাদ-রাট্ আর ভানা অবঅ। ইয়েনি বাদেয়ো আগাজত্ এমন ঘটনা ঘুদিবো আর চিহ্নো দেগা যেবঅ যিয়েনি ভারী বেশ্ আর দর্‌গরেপারা।

যিহোশূয় 8:20

অয়র মানুচ্চুনে পিজেন্দি ফিরিনে দেগিলাক্‌ তারার শঅ‌রত্তুন ধূমো উগুরেন্দি উদের্‌; মাত্তর তারার্‌ আর কনঅ‌ কিত্তেন্দি ধেই যানা সম্ভব ন-অলঅ, কিত্যে যে ইস্রায়েলীয়গুনে ধূল্যেচরর্‌ চাগালান্দি ধেই যাদন্‌ তারা এ ভিদিরে তারা বিরুদ্ধে ঘুরিনে থিয়্যেয়োন্।

ফগদাং পেইয়্যে 18:18

তারে পুড়িবার সময়োত্ ধূমো দেগিনে তারা রঅ ছাড়িনে কলাক্, “আর কন্ শঅরান এই নাঙ্-গোজ্জ্যে শঅরান ধোক্ক্যেন?”

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।

বিচের গুরিয়্যেগুন 20:38

সে পৌল্যেই থেইয়্যে সৈন্যগুনোর লগে অন্য ইস্রায়েলীয় সৈন্যগুনে এ চিহ্নাগান ঠিগ্ গুরিলাক্‌, তারা শঅ্‌রত্তুন মেঘঅ ধোক্ক্যেন্‌ গুরিনে ধূমো উগুরেন্দি উদোদে দেগিলে যুদ্ধোত্তে ঘুরিনে ঠিয়্যেবাক্‌। যেক্কে বিন্যামীনীয়গুনে ইস্রায়েলীয়গুনোর ত্রিশজন মান্‌জ্যরে মারে ফেলেলাক্‌ সেক্কে তারা কলাক্‌, “আমি পৌইল্যা বারঅ যুদ্ধোত্‌ যেধোক্ক্যেন্‌ তারারে ওদেই দিলোং এবারত্‌ অ সেধোক্ক্যেন্‌ গুরির্‌।”

বিচের গুরিয়্যেগুন 20:40

মাত্তর্‌ তারার শঅরত্তুন যেক্কে মেঘচাগঅ ধোক্ক্যেন্‌ ধূমো উদো ধুরিলো সেক্কে তারা ঘুরিনে দেগিলাক্‌, গোদা শঅরত্তুন ধূমো আকাজত্‌ উদি যার্‌।