যোয়েল 2:3 - Chakma Bible

³ তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

যোয়েল 2:3 ပူးပေါင်းရင်းမြစ်များ

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 2:8

ইয়েনর্ আগেদি লগেপ্রভু গোজেনে পুগেদি এদন দেজত্‌ এক্কান বাগান গোজ্যে, আর সিয়োদোই তে তার বানেইয়্যে মানুচ্চোরে রাগেল।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 97:3

তা আগ্‌মলিম আগুনানে যার্; সেই আগুনানে তা চেরোকিত্যে বেক শত্রুগুনোরে পুড়ি ফেলেয়্যে।

যাত্রা 10:15

সে পুগ্-যুগ্‌কুনে পুরো দেজছানত্‌ এমন্‌গুরি ছিদি পড়িলাক্, মাদি উগুরেদি কালা গুরি দেগা যেদঅ। মাদত্‌ য়েল্‌ বাবোত্যে বেক্কানি আর গাজত্‌ যিদুক্কুন্‌ গুলো শিলো-ঝড়ত্তুন্‌ রেহাই পেইয়োন্‌ সিগুন্‌ বেক্কুন্‌ তারা হেই ফেলেলাক্। পুরো মিসর দেজর্‌ গাছ-গাছরাগুনোত্‌ য়েল্‌ বাবোত্যে আর কিচ্চু ন-রলঅ।

যাত্রা 10:5

সিগুনে এইনে দেজ্‌চানরে এমন্‌গুরি নাঢি ফেলেবাক্, মাদিয়ো দেগা ন-যেবঅ। শিলো-ঝড়ত্তুন্‌ যিয়েনি রেহাই পেইয়্যে সিয়েনি বেক্কানি পুগ্-যুগ্‌কুনে হেই ফেলেবাক্‌। মাদত্‌ যিদুক্কুন গাছ্‌-গাজারা উত্তোন্‌ সিগুনো তারা হেই ফেলেবাক্।

যিশাইয় 14:17

ইবে কি সিবে, যে সংসারানরে ধূল্যেচর ধোক্ক্যেন গুরিদো, শঅরানিরে উল্ল্যেই ফেলেদ, আর বন্দীগুনোরে ঘরত্ ফিরি যেবাত্তে ন-দিদো?

যিশাইয় 15:6

নিম্রীমর বেক পানিগান বর্‌বাদ দিয়্যে ওইয়্যে আর ঘাস্‌ছানি শুগেই যেইয়্যে; গাজ-গাজ্‌ড়া নেই, য়েল্ বিলিনে আর কিচ্চু বাগি নেই।‌

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”