যোয়েল 2:27 - Chakma Bible

²⁷ সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

যোয়েল 2:27 ပူးပေါင်းရင်းမြစ်များ

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

গম্ উপদেজ্ 1:23

মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিশাইয় 45:6

যেন পূগেত্তুন্ ধুরি পোজিমেদি সং মানুচ্চুনে হবর্ পান্, মুই বাদে আর কনজন নেই। মুয়ই লগেপ্রভু, অন্য আর কনজন নেই।

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিহিষ্কেল 37:6

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

গণাণা 11:29

জোবত্‌ মোশি কলঅ, “মর্‌ মান-সর্মানান্‌ তইদু দাঙর্‌ ওই উদিলো? মুই চাং লগেপ্রভুর বেক্‌ মানুচ্চুনেয়ই যেন ভাববাদী অন আর লগেপ্রভু যেনে তার আত্মাগান্‌ তারা উগুরে দে।”

গণাণা 23:21

যাকোবরে তে কনঅ অন্যেয় গত্যে ন-দেগে, ইস্রায়েলর্‌ ভাগ্যত্‌ কনঅ দুখ্‌ ন রাগায়। তারার্‌ গোজেন লগেপ্রভু তারা সমারে আঘে, আর তারার্‌ রাজার্‌ জয়র্ কধানি তারা ভিদিরে আঘে।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।