যোয়েল 2:22 - Chakma Bible

²² ও মাদর্ য়েমানুন, তুমি ন-দোরেয়ো, কিত্যে চরি বেড়েবার মাদ্‌‌‌‌‌তুন য়্যাল্ ওই উঠ্যে। গাজে গাজে ফল ধোজ্যন্; ডোমোর্ গাজ আর আংগুর লুদিগানিয়ে বোউত্ ফল দের্।

যোয়েল 2:22 ပူးပေါင်းရင်းမြစ်များ

পত্থম 4:12

তুই যেক্কে ভূইয়ো চাষ গুরিবে সেক্কে সিয়েনে আর তরে সেধোক্ক্যেন খেত-খেত্তি ন-দিবো। তুই পোল্ল্যেই পোল্ল্যেই পিত্‌থিমীয়ানত্‌ ঘুরি বেড়েবে।”

গীতসংহিতা 36:6

তর্ ধার্মিকতাগান গোজেন মুড়োগুনো ধোক্ক্যেন্; তর্ ন্যায়বিচেরান যেন গভিন্ সাগর ধোক্ক্যেন্। ও লগেপ্রভু, মানুচ্ আর য়েমান বেক্কুনোরে তুয়ই বাঁজে রাগাচ্।

গীতসংহিতা 65:12

সিয়েন ঝুড়ি পড়েদে য়েমান চোড়েবার মাদত্; মুড়োগুনোত্ যেন হুজির পোজাগ্ আঘে।

গীতসংহিতা 65:13

পত্তি খলা ভেড়া পাল্লোই ভরি আগন, আর সোজ্য খেত্‌তোই যেন কিজিঙানি ঢাক্যে আঘে; সিয়েনিয়ে হুজিয়ে রঅ ছাড়ের আর গান গার্।

গীতসংহিতা 67:6

ভূইয়ানে তার খেত-খেত্তি দিয়্যে; গোজেন, আমা গোজেন, আমারে আশিদ্‌বাদ গোজ্যে।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিহিষ্কেল 36:30

মুই গাজ গুলোগুলিগুন আর খেদর্ ফসলানি বাড়েই দিম যেনে ভাদরাদর্ কারনে তুমি জাদ ভিদিরে আর অসর্মান ন-অ।

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।

যিহিষ্কেল 36:8

মাত্তর্ ও ইস্রায়েলর মুড়ো-মুড়িগুন্, তুমি তমার গাজ ডেলাগুন ছিদি দিইনে মর্ মানুচ্ ইস্রায়েলীয়গুনোরে বোউত্ গুলোগুলি দিবে, কিত্যে তারা যাদিমাদি ফিরি এবাক্।

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

হগয় 2:16

কনজনে যেক্কে কুড়িমন শোজ্য কুড় কায়কুরে এদঅ সেক্কে সিয়েনত্ পেদঅ বানা দশ মণ। যেক্কে কনজনে পঞ্চাশ লিটার আংগুর-রস নিবাত্তে আংগুর-রস থোইয়্যে কুম্মো ইধু যেদঅ সেক্কে সিয়েনত্ থেদঅ বানা কুড়ি লিটার।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

১ করিন্হীয় 3:7

সেনত্তে যে বীজি লাগায় বা যে সিগুনোত্ পানি দে তে কিচ্চু নয়; মাত্তর্ গোজেনে, যিবে বাড়েই তুলে, তেয়ই বেক্কানি।