যোয়েল 2:21 - Chakma Bible

²¹ ও দেজ্‌‌‌‌‌চান, ন-দোরেচ্; তুই হুজি অ, ফুত্তি গর্, কিত্যে লগেপ্রভু দাঙর্ দাঙর্ কাম গোজ্যে।

যোয়েল 2:21 ပူးပေါင်းရင်းမြစ်များ

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

গীতসংহিতা 71:19

ও গোজেন, তর্ ন্যায়র কামান যেন দেবাবো ইদু লুম্মেগোই; বেক দাঙর্ কামানি তুই গোজ্যস্; ও গোজেন, তর্ সং সং আর কন্না আঘে?

গীতসংহিতা 98:8

বেক ছড়া-গাঙানিয়ে ফুত্তি গোরোক্; মুড়ো-মুড়ি একসমারে মিজেইনে হুজিয়ে গীদ্ গাদোক্।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

হোশেয় 2:21

“মুই লগেপ্রভু কঙর্, সেদিন্যে মুই তমারে সাড়া দিম। মুই আগাজ্‌‌‌‌‌চানরে উগুম দিম; আগাজ্‌‌‌‌‌চানে পিত্‌‌‌‌‌থিমীগানরে ঝড় দিবো;

যোয়েল 2:20

“মুই উত্তোরেত্তুন্ এচ্চ্যে সৈন্যদল্লোরে তমাত্তুন্ দূর্ গুরি দিম; শুগুনো আর ভস্ত ওই যেইয়্যে ধূল্যেচর-চাগালাত্ তারারে ধাবেই দিম। তারার্ মুজুঙেদি ভাগ্‌কান পূগেদি সাগরত্ আর পিজেদি ভাগ্‌‌‌‌‌কান পোজিমে সাগরত্ ধাবেই দিম। তারার্ পজাবাজ্ উগুরেদি উদিবো আর সিয়েনত্তুন্ পজাবাজ্ নিগিলিবো, কিত্যেই তারার্ কামানি অলদে অমকদ বাড়্‌বো‌‌‌লোই ভরা।”

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

সখরিয় 8:15

মাত্তর্ ইক্কিনে মুই আরঅ যিরূশালেম আর যিহূদার ভালেদি গুরিম বিলি ঠিগ্ গোজ্যং। তুমি ন-দোরেয়ো।

দ্বি’লম্বর বিররণ 4:32

গোজেনে পিত্‌থিমীত মানুচ্‌ সৃট্টি গরানার্‌ পরেত্তুন্‌ ধুরি তমার্‌ সময়োত্‌ পুরোণি দিনুনোত্‌ তুমি তোগেই চঅ্‌; আগাজর্‌ এক কিত্তেত্তুন্‌ ধুরি অন্য কিত্তেন্দি সং তোগেই চঅ, যিয়েনি যিয়েনি ঘদের্‌ সিয়েনি ধোক্ক্যেন দাঙর্‌ আর কিজু ঘদের্‌ নাহি, বা সিয়েনি ধোক্ক্যেন আর কনঅ কিজুর্‌ কধা শুনো যেইয়্যে নাহি,

১ শমূয়েল 12:16

“এবেরা তুমি যুক্কোল অ; লগেপ্রভু তমার চোগো মুজুঙোত্‌ যে মহৎ কাম্‌ গুরিবো সিয়েনি চঅ।

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।