যোয়েল 2:19 - Chakma Bible

¹⁹ লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

যোয়েল 2:19 ပူးပေါင်းရင်းမြစ်များ

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 34:29

মুই তারারে বোল্‌‌‌‌বোল্যে ভূই দিম; দেজ ভিদিরে তারা আর ভাদরাদত্ ন-পড়িবাক্ বা অন্য জাদ ইধু অসর্মান ন-অবাক্।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

যিহিষ্কেল 36:29

তমার্ বেক অসিজিগানত্তুন্ মুই তমারে রোক্ষ্যে গুরিম। মুই তমারে বোউত্ খেত্-খেত্তি দিম আর তমা দেজত্ মুই আর ভাদরাত্ ন-পাদেম।

যিহিষ্কেল 36:30

মুই গাজ গুলোগুলিগুন আর খেদর্ ফসলানি বাড়েই দিম যেনে ভাদরাদর্ কারনে তুমি জাদ ভিদিরে আর অসর্মান ন-অ।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

হোশেয় 2:21

“মুই লগেপ্রভু কঙর্, সেদিন্যে মুই তমারে সাড়া দিম। মুই আগাজ্‌‌‌‌‌চানরে উগুম দিম; আগাজ্‌‌‌‌‌চানে পিত্‌‌‌‌‌থিমীগানরে ঝড় দিবো;

হোশেয় 2:22

পিত্‌‌‌‌‌থিমীগানে শোজ্য, নুয়ো আংগুর-রস আর তেল্ দিবো, আর সিয়েনির মাধ্যমে যিষ্রিয়েল, অত্তাৎ ইস্রায়েলে মরে সাড়া দিবো;

যোয়েল 1:10

বেক্ খেত্তানি বর্‌‌বাত্ ওই যেইয়্যে, মাদিগানে আবিলেচ্ গরের্, কিত্যে শোজ্যগানি বর্‌‌বাত্ ওইয়্যে, নুয়ো আংগুর-রস শুগেই যেইয়্যে আর তেল শেজ্ ওই এজের্।

যোয়েল 2:24

খলাবো শোজ্যলোই ভুরি যেবঅ; পিলেত্তুন্ আংগুর-রস আর তেল উগুরি পড়িবো।

লেবীয় 26:5

সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।

রূত 1:6

মোয়াব দেজত্‌ থাগদে নয়মী শুনিলোদে, লগেপ্রভু তা মানুচ্চুনোরে হানার যুক্কোল্‌ গুরিনে তারা ইন্দি মনান্‌ দিয়্যে। সেনত্তেই তে তার দ্বিবে পূদবোরে নেযেইনে মোয়াব দেজত্তুন ঘরত্‌ ফিরি যেবাত্তে যুক্কোল্‌ অলঅ‌।