যোয়েল 2:18 - Chakma Bible

¹⁸ সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

যোয়েল 2:18 ပူးပေါင်းရင်းမြစ်များ

২ রাজাবলী 19:31

বাঁজি থেইয়্যে মানুচ্চুনে যিরূশালেমত্তুন্‌ এবাক্‌, আর সিয়োন্‌ মুড়োবোত্তুন্‌ এবাক্‌ রোক্ষ্যে পেইয়্যে এক দল্‌ মানুচ্‌। লগেপ্রভুর আওজে ইয়েনি অবঅ।

গীতসংহিতা 103:13

পুয়ো-ছাগুনো উগুরে বাব্‌পোর যেত্তমান্ মেয়্যে আঘে সেধোক্ক্যেন্ তা ভক্তগুনো উগুরে তার মেয়্যে আঘে।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

যিশাইয় 37:32

বাঁজি থেইয়্যে মানুচ্চুনে যিরূশালেমত্তুন্ এবাক্ আর সিয়োন মুড়োবোত্তুন্ এবাক্ রোক্ষ্যে পেইয়্যে একদল মানুচ্। বেগত্তুন্ খেমতাবলা লগেপ্রভুর আওজ্‌‌‌চানে ইয়েনি গুরিবো।‌

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 60:10

বিদেশীগুনে তঅ দেবালান আরঅ তুলি দিবাক্ আর তারার রাজাগুনে তরে সেবা গুরিবাক্। যুনিয়ো রাগে মুই তরে আঘাত্ গোজ্যং তো দোয়্যে গুরি মুই তরে মেয়্যে গুরিম।

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

আবিলেচ্ 3:22

লগেপ্রভুর অমকদ কোচ্‌পানাত্তে আমি ভস্ত ন-ওর্, কিত্তে তার্ মেয়্যেগান কনদিন্‌অ শেজ্ ন-অয়;

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

লূকে লেখ্যে গম্ হবর্ 15:20

ইয়েন কোইনে তে উদিনে তা বাবঅ ইধু গেলঅ। তে দূরোত্ থাগদে তারে দেগিনে তা বাবর্ ভারী চিত্‌ পুল্ল্য। তে ধাবা যেইনে তারে বেড়েই ধুরিনে চুমিলো।

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

যাকোব 5:11

যিগুনে ধৈয্য ধুরিনে সোজ্জ্য গোজ্জ্যন তারারে আমি বর্ পেইয়্যে কোই। তুমি ইয়োবর্ ধৈয্যর্ কধা শুন্ন্য আর প্রভুর কামর শেজ্ ফল যে গম সিয়েন্‌অ দেক্ক্য। প্রভুর দোয়্যে আর মেয়্যের্ শেজ্ নেই।

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।