যোয়েল 2:16 - Chakma Bible

¹⁶ মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

যোয়েল 2:16 ပူးပေါင်းရင်းမြစ်များ

২ বংশধর 20:13

সে অক্তত্‌ যিহূদার বেক্‌ মানুচ্চুনে তারার্‌ মোক্‌, ঝি-পুয়োগুনে আর চিগোন্‌ পুয়োগুনোরে লোইনে সিদু লগেপ্রভুর মুজুঙোত্‌ থিয়্যেই এলাক্‌।

২ বংশধর 29:5

“লেবীয়গুন্‌, মঅ কধাগান শুনো; তুমি নিজোর্‌ আর তমার্‌ পূরোণি মানুচ্চুনোর্‌ গোজেন লগেপ্রভুর ঘরান্‌ সিজি গরঅ। এ সুদ্ধো-সাংগ জাগানত্তুন্‌ বেক্‌ অসিজি জিনিসছানি দূর্‌ গরঅ।

২ বংশধর 30:17

মানুচ্চুনো ভিদিরেত্তুন্‌ ভালোকজনে নিজোরে সিজি ন-গরন্‌। সেনত্তে ইগুনোর্‌ ওইনে লগেপ্রভুর নাঙে উৎসর্ব গুরিবাত্তে উদ্ধোর-পরবর্‌ ভেড়া ছঅ লেবীয়গুনোত্তুন কাবা পোজ্যে।

২ বংশধর 35:6

তুমি উদ্ধোর্‌-পরবর্‌ ভেড়াগুন্‌ কাবিবা বিলিনে নিজোরে সিজি গরঅ আর মোশির মাধ্যমে দিয়্যে লগেপ্রভুর উগুম্‌ মজিম্ তমা জাদর মানুচ্চুনে যেনে উদ্ধোর্‌-পরব্‌ পালেই পারন্‌ সিয়েনর্‌ সুদোম্‌ গরঅ।”

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

গীতসংহিতা 19:5

তে জামেয়ো ধোক্ক্যেন্ গুরি নেগ-মোগোর পত্তম রেদোত্তুন্ নিগিলি এজে, সোজা পধেদি আঢিবো বিলিনে খেলোয়াড়্‌বো-বীরো ধোক্ক্যেন্ হুজি ওই উদিবো;

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

যাত্রা 19:22

এন্‌ কি, লড়েপ্রভু ইদু যানা যিগুনোর্‌ কাম, সেই ধর্মগুরুগুনোর্‌‌‌‌অ‌ নিজোরে সিজি গুরি নেযা পড়িবো। সিয়েন ন-গুরিলে লগেপ্রভু তারারে জদবদে সাজা-দিবো।”

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

মথি লেখ্যে গম্ হবর্ 21:16

ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

মথি লেখ্যে গম্ হবর্ 9:15

যীশু তারারে কলঅ, জামেই সমারে থাগদে কি জামেইঅ সমারে মানুচ্চুনে দুঘো কধা কোই পারন্? মাত্তর্ সময় এজের্ যেক্কে জামেইয়রে তারা কায়-কুরেত্তুন্ নেযা অবঅ। সে সময়ত্ তারা উবোস্ থেবাক্।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

যিহোশূয় 8:35

মোশি এ পৌইদ্যেনে যেদক্কানি উগুম দিয়্যে তার এক্কো শব্দয়ো বাদ ন-দিইনে যিহোশূয় পুরো ইস্রায়েল সমাজরে সিয়েন পোড়েই শুনেল। এ সমাজ ভিদিরে মিলে, পূঅ-ঝি আর তারা ভিদিরে বজত্তি গোজ্যে অন্য জাদর্ মানুচ্চুনেয়ো এলাক্‌।

১ শমূয়েল 16:5

জোবত্‌ শমূয়েলে কলদে, “অয়, মুই শান্তির মনভাব লোইন এচ্ছোং। লগেপ্রভুর নাঙে মুই এক্কো য়েমান-উৎসর্বর অনুষ্ঠান গুরিবাত্তে এচ্ছোং। তুমি নিজোরে সিজি গুরিনে মঅ লগে এই অনুষ্ঠানত্‌ মিজোগি।” ইয়েন কোইনে তে যিশয় আর তার পূঅগুনোরে সিজি গুরিলো আর সেই অনুষ্ঠানত্‌ মিজেবাত্তে তারারে বাত্যেল।