যোয়েল 2:11 - Chakma Bible

¹¹ লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

যোয়েল 2:11 ပူးပေါင်းရင်းမြစ်များ

গীতসংহিতা 18:14

তে সেল্ মারিনে শত্রুগুনোরে ছিদি দিলো, আর ঝিমিলেনে তারারে ছিত্রিভংগ গুরিলো।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

যিশাইয় 13:4

শুনো, মুড়ো-মুড়ি উগুরে বোউত্ মান্‌জ্যর রঅ অর্। শুনো, বেগ্ জাদ্‌তুনোর্ আর রেজ্যর মানুচ্চুনে এক সমারে এগত্তর্ ওইনে যাগুলুক্ গত্তন্। বেগত্তুন্ খেমতাবলা লগেপ্রভু যুদ্ধোত্তে এক্কো সৈন্যদল সাজাদন্।

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 7:18

সেদিন্যে লগেপ্রভু মিসর দেজর্ দূরো গাঙানিত্তুন্ মাছি আর আসিরিয়া দেজত্তুন্ মু পুগ্‌কুনোরে এবাত্তে ডাগিবো।‍

যিরমিয় 25:30

“ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 1:6

এক্কো জাদে মঅ দেজ্‌চান আক্রমন গোজ্যে; তে বোলী আর তা সৈন্যগুন গুণি ন-পুড়েইয়্যে। তা দাত্তুন্ সিংহ দাদ ধোক্ক্যেন আর তার বিষদাত্তুন্ সিংহীর বিষদাদ ধোক্ক্যেন্।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

আমোষ 5:20

লগেপ্রভুর দিন্নো পহ্‌‌‌র ন-ওইনে কি আন্ধার অবঅ? জ্বোল্‌‌‌জ্বোল্যে এক্কানা গুরি ন-থেইনে সিয়েন কি ঘুর্‌‌‌গুজ্যে আন্ধার ন-অবঅ?

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

গণাণা 24:23

পরেদি বিলিয়ম গোজেনর্‌ দিয়্যে এ কধাগান কুয়া ধুরিলো: “হায়! গোজেনে যেক্কে এই বেক্কানি গুরিবো, সেক্কে কি কনজনে বাঁজি থেই পারিবাক্?

১ থিষলনীকীয় 4:16

দাঙর্ রঅ গুরিনে উগুমো সমারে আর বেগ দাঙর্ দূতোর্ ডাগনি আর গোজেনর্ তূরীর ডাগনির্ লগে লগে প্রভু নিজে স্বর্গত্তুন্ লামি এবঅ। খ্রীষ্ট লগে এগত্তর্ ওইনে যিগুনে মুরি যেয়োন সেক্কে সিগুনে পত্তমে জেদা ওই উদিবাক্।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”