যোয়েল 1:4 - Chakma Bible

⁴ কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 1:4 ပူးပေါင်းရင်းမြစ်များ

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

২ বংশধর 6:28

যুনি দেজত্‌ ভাদরাত্‌ বা ভানা দেগা যায়, যুনি ক্ষেত-ক্ষেত্তি শুগেই-যাইদে রোগ বা ছাৎলা-পোজ্যে রুগ অয়, যুনি ক্ষেদত্‌ ফিরিং বা পুগযুগ্‌ পড়ন, যুনি শত্রুয়ে তারার্‌ কনঅ শঅর্‌ ঘিরিনে-যে কনঅ বাবোত্যে দযা বা পিড়ে দেগা যেদঅ সাৎ,

২ বংশধর 7:13

যেক্কেনে মুই আগাজছান্‌ নাঢি দিম্‌ আর ঝড় ন-পুরিবো, বা দেজ্‌ছান ভস্ত গুরিবাত্তে পুগ্‌যুক্কুনোরে উগুম দিম্‌, বা মঅ মানুচ্চুনো ভিদিরে ভানা পাধেই দিম্‌,

গীতসংহিতা 105:34

তা কধালোই পুক্-যুক্ আর গুণি ন-পুরেইয়্যে ফিড়িঙ্ এলাক্;

গীতসংহিতা 78:46

তারার শোজ্যগুন তে ফিরিঙুনোরে দিলো আর তারার ফসলানি পুগ্-যুগ্‌কুনোরে দিলো।

যাত্রা 10:4

যুদি তুই মঅ মানুচ্চুনোরে যেবাত্যে দেদে রাজী ন-অচ্‌ সালে এযেত্যেকেল্যে মুই তঅ দেজঅ ভিদিরে পুগ্-যুগ্ আনিম্‌।

যাত্রা 10:5

সিগুনে এইনে দেজ্‌চানরে এমন্‌গুরি নাঢি ফেলেবাক্, মাদিয়ো দেগা ন-যেবঅ। শিলো-ঝড়ত্তুন্‌ যিয়েনি রেহাই পেইয়্যে সিয়েনি বেক্কানি পুগ্-যুগ্‌কুনে হেই ফেলেবাক্‌। মাদত্‌ যিদুক্কুন গাছ্‌-গাজারা উত্তোন্‌ সিগুনো তারা হেই ফেলেবাক্।

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিরমিয় 51:14

বেগত্তুন্ খেমতাবলা লগেপ্রভু তার নিজো নাঙে শমক্ হেইনে কোইয়্যেদে, “মুই হামাক্কায় এক ঝাক্ পুগ্-যুগ্ পাল ধোক্ক্যেন মানুচ্ দিইনে তরে ভর্‌‌‌‌‌পুনং গুরিম, আর তারা তঅ উগুরে জিদেনার ডাগনি দিবাক্।”

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

আমোষ 7:1

প্রভু লগেপ্রভু মরে এ দর্শনান দেগেল: দ্বিপল্লা ফসলর অক্তত্ রাজার্ ভাগর ঘাস কাবিবার পরেদি যেক্কে আরঅ ঘাস উদিলো সেক্কে লগেপ্রভু ঝাক্ ঝাক্ পুগ্-যুগ্ ঠিগ্ গুরিলো।

মালাখি 3:11

মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।

দ্বি’লম্বর বিররণ 28:42

ঝাঁগে ঝাঁগে পুগ্-যুগ্ এইনে তমার দেজর গাজ-বাজ আর ফলুন হেই ফেলেবাক্।