যোয়েল 1:19 - Chakma Bible

¹⁹ ও লগেপ্রভু, মুই তরে ডাগঙর্, কিত্যে চরি হেবার্ জাগায়ানি আগুনে গিলি ফেলেয়্যে আর আগুনো জিলে পুড়ি ফেলেয়্যে মাদর্ বেক গাজ্-বাজ্‌চুন।

যোয়েল 1:19 ပူးပေါင်းရင်းမြစ်များ

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

যিরমিয় 14:4

মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:9

মুই কি ইয়েনত্তে তারারে সাজা ন-দিম? এবাবোত্যে জাদ উগুরে কি মুই নিজেই হেনা ন-সুজিম?”

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?