ইয়োব 9:7 - Chakma Bible

⁷ তে মানা গুরিলে বেলানে পহ্‌র নঅ-দে আর তারাগুনে পহ্‌র দেনা বন্ধ গরন্‌।

ইয়োব 9:7 ပူးပေါင်းရင်းမြစ်များ

ইয়োব 37:7

পত্তি মান্‌জ্যরে তা কামত্তুন্ তে থামেই দে, যেনে বেক্ মানুচ্চুনে তা কাম পৌইদ্যেনে হবর্ পান।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 10:13

সেনত্তেই বেলান্‌ সোজা ওইনে থিয়্যেল আর চানানর্‌ লড়ানাগান্ থামেল, যেদক্কন সং ইস্রায়েলে তা শত্রুদলুনো উগুরে হেনা ন-উগুরাই। এ কধানি যাশেরর বোইবোত্‌ লেগা আঘে। সেক্কে বেলান্‌ আগাজ সংমোধ্যে যেইনে থিয়্যেই রলঅ আর বেলান্‌ ডুপ্পেগোই প্রায় পুরো এক্কো দিন দেরি অলঅ‌।