ইয়োব 9:4 - Chakma Bible

⁴ তা জ্ঞানান্‌ গভীন্‌, তা বলান্‌ অমকদ; কন্না তা বিরুদ্ধে থিয়্যেইনে রোক্ষ্যে পেইয়্যে?

ইয়োব 9:4 ပူးပေါင်းရင်းမြစ်များ

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

ইয়োব 11:6

আর জ্ঞানর্‌ গুমুরো বেপারানি তরে হবর্‌ দুয়োন্‌, কিয়া জ্ঞানর্‌ বোউত্‌ পধ আঘে। ইয়েন্‌ ইদোত্‌ রাগা, তঅ পাপ মজিম্ গোজেনে তরে সাজা নঅ-দে।

ইয়োব 12:13

মাত্তর্‌ জ্ঞান্‌ আর বলান্‌ গোজেনর; সল্লা আর বুদ্ধি তার্‌।

ইয়োব 15:13

ইয়েন্দোই দঅ তুই গোজেন বিরুদ্ধে রাগ গোজ্যস্‌ আর এ বেক্‌ কধানি তঅ মুয়োত্তুন্‌ নিগিলেয়োচ্।

ইয়োব 23:6

তে কি খেমতালোই মঅ সমারে সোল্ গুরিদো? নাদে, তে মন্দি মনান্ দিদো।

ইয়োব 24:22

মাত্তর্ গোজেনে তা খেমতালোই সেই বোলিগুনোরে টানিনে লামায়; তারা থিদেবর্ অলেয়ো তারার জিংকানির গেরান্টি নেই।

ইয়োব 25:2

“রেজ্যগানি গোজেনর, ভোক্তিবলা দর্ তারই পাওনা; স্বর্গর অজল জাগানত্ তে সুগ্‌-শান্দি থিদেবর্ গরে।

ইয়োব 28:23

“গোজেনে তা পথ্‌তান বুঝি পারে; তেয়ই বানা হবর্ পাইদ্যে সিয়েনে কুদু থায়,

ইয়োব 36:5

গোজেনে খেমতাবলা, মাত্তর্ মান্‌জ্যরে তুচ্ছো ন-গরে; তে খেমতাবলা আর তা উদ্দেশ্যগান মাবর্।

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

ইয়োব 38:36

কন্না মনানরে জ্ঞান দিইনে সাজেয়্যে, বা মনানরে বুঝেবার বলান্ দিয়্যে?

ইয়োব 38:37

মেঘ্‌কানিরে গুণিনে চেবার্ বলান্ কার্ আঘে? আগাজর্ পানিগান কুম্মো কন্না উল্লেই পারে,

ইয়োব 40:9

তর্ কি গোজেন ধোক্ক্যেন বল্ আঘে? তর্ রঅবো কি তা গুজুরোনিবো ধোক্ক্যেন?

ইয়োব 41:2

তুই কি তার্ নাগ ভিদিরেদি নল দুড়গানি দি পারচ্, বা বুজ্জিলোই তা মাড়িগান ফুড়ি দি পারচ্?

ইয়োব 6:10

সালে মর্‌ এ সান্তনাগান্‌ থেবঅ‌, অমকদ যন্ত্রণার্‌ ভিদিরেয়ো মর্‌ এই হুজিগান্‌ থেবঅ‌, সেই সুদ্ধো-সাংগ মানুচ্চোর কধাগান্‌ মুই অস্বীগের্‌ ন-গরং।

ইয়োব 9:19

ইয়েন্‌ যুনি বল্ বেপার্‌ অয় সালে তে দঅ খেমতাবলা; যুনি বিচেরর্‌ বেপার অয় সালে কন্না তা বিরুদ্ধে সময়ান্‌ ঠিগ্‌ গুরি দিবো?

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গীতসংহিতা 136:5

যিবে তার বুদ্ধিলোই আগাজ্‌চান বানেয়্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

যাত্রা 15:7

যিগুনে তর্‌ বিরুদ্ধে ঠিয়্যেলাক্‌ তর্‌ দাঙর্‌ মহিমায় তুই তারারে তলেদি ফেলেই দিলে; তর্‌ পাদেয়্যে জোল্‌জোল্যে রাগ্‌‌‌কানে দার্‌বো ধোক্ক্যেন তারারে পুড়ি ফেলেল।

যাত্রা 9:7

ফরৌণে মানুচ্‌ পাধেইনে হবর্‌ নিইনে জানি পারিলো, ইস্রায়েলীয়গুনোর্‌ এক্কো য়েমান্অ ন-মরন্‌। তো ফরৌণ মনান্‌ দরঅ ওই রলঅ; তে মানুচ্চুনোরে যেবাত্তে ন-দিলো।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 45:9

অভিশাব্ পোড়োক্ সেই মানুচ্চোর, যে তার গোজেন লগে কোল্-কোজ্যে গরে। তে দঅ মাত্যে পিলেগুনো ভিদিরে এক্কো পিলে বাদে আর কিচ্চু নয়। মাদিগানে কি কুমোর্‌বো কবঅ, তুই কি বানেয়োচ্? তর্ বানেয়্যে জিনিস্‌চানে কি কবঅ, তঅ আঢ্‌‌‌‌‌‌তান কাবিল্ নয়? ‌‌‌‌

যিরমিয় 50:24

ও বাবিল, মুই তত্তে এক্কো ফাল্ পাত্যং আর তুই হবর্ ন-পেইনে সিয়েনত্ ধরা পোজ্যস্; তরে পাহ্ যেইয়্যে আর ধরাও ওইয়্যে, কিত্তে তুই মঅ বিরুদ্ধে থিয়্যেয়োচ্।

দানিয়েল 2:20

তে কলঅ, “গোজেনে উমরত্যে সাধুবাদ্ পোক্; জ্ঞান আর খেমতা তার।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

ইফিষীয় 1:8

এ দোয়্যেগান গোজেনে তার্ দাঙর্ জ্ঞান আর বুদ্ধিলোই খুলো আঢে আমারে দান গোজ্জ্যে।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।