ইয়োব 8:8 - Chakma Bible

⁸ পূরোণি দিনো মানুচ্চুনোরে পুযোর্‌ গরঅ; তারার্‌ পূরোণি মানুচ্চুনোরে যিয়েন্‌ শিগেয়োন্‌ সিয়েনি তোগেই চঅ।

ইয়োব 8:8 ပူးပေါင်းရင်းမြစ်များ

২ বংশধর 10:6

যিদুক্কুন্‌ বুড়ো নেতায় তা বাপ্পো শলোমনর্ জীংকানিত্‌ তারে সেবা গুরিদাক্‌ রহবিয়ামে তারা লগে শল্লা গুরিবাত্তে কলঅ, “এ মানুচ্চুনোরে জোব্‌ দিবাত্তে তুমি মরে কি শল্লা দি পারঅ?”

ইয়োব 12:12

তুমি কোই থাগঅ, বুড়ো মানুচ্চুনো ইদু জ্ঞান পাহ্ যায় আর ভালোক্‌ দিন সং বুদ্ধি পায়।

ইয়োব 13:1

মুই ইয়েনি নিজো চোগেদি দেখ্যং আর নিজো কানে শুনিনে সিয়েনি বুচ্ছোং।

ইয়োব 15:10

আমা ভিদিরে এন্‌ এক্কো আঘে যিবের্‌ চুল্‌ পাক্যে, যিবে বুড়ো; তা বয়সছান্‌ তঅ বাবঅ বয়জত্তুন্‌‌অ বেশ্‌।

ইয়োব 15:18

জ্ঞানী মানুচ্চুনে সিয়েনি তারার্‌ পূরোণি মানুচ্চুনো ইত্তুন্‌ পেইয়োন আর সিয়েনি বেক্কানি ফগদাঙ্‌ গোজ্যন।

ইয়োব 20:4

তুই হামাক্কাই হবর্‌ পাজ্‌ সেই পুরোণা দিনোত্তুন্‌ ধুরিনে, পিত্‌থিমী উগুরে মান্‌জ্যরে থিদেবর্ গরানার্‌ পরেত্তুন্‌ ধুরি,

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

যোয়েল 1:2

ও বুড়ো মানুচ্চুন, তুমি এ কধাগান শুনো; ও দেজত্ বজত্তি গুরিয়্যে মানুচ্চুন, তুমি বেক্কুনে শুনো। তমার্ বা তমা পূরোণি মানুচ্চুনোর সময়োত্ কি এবাবোত্যে ঘটনা কনদিন্‌অ ঘোট্যে?

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

দ্বি’লম্বর বিররণ 4:32

গোজেনে পিত্‌থিমীত মানুচ্‌ সৃট্টি গরানার্‌ পরেত্তুন্‌ ধুরি তমার্‌ সময়োত্‌ পুরোণি দিনুনোত্‌ তুমি তোগেই চঅ্‌; আগাজর্‌ এক কিত্তেত্তুন্‌ ধুরি অন্য কিত্তেন্দি সং তোগেই চঅ, যিয়েনি যিয়েনি ঘদের্‌ সিয়েনি ধোক্ক্যেন দাঙর্‌ আর কিজু ঘদের্‌ নাহি, বা সিয়েনি ধোক্ক্যেন আর কনঅ কিজুর্‌ কধা শুনো যেইয়্যে নাহি,