ইয়োব 8:7 - Chakma Bible

⁷ তর্‌ আগামিদি সময়ান্ অবঅ এদক্‌ ভালেদিলোই ভর্‌পূনোং, মনে গুরিবেদে তঅ পত্তম্ অবস্থাগান ইত্তুন্‌ বেশ্‌ ভান্ন্যেই এলঅ।

ইয়োব 8:7 ပူးပေါင်းရင်းမြစ်များ

ইয়োব 42:10

ইয়োবে তা সমাজ্যেগুনোত্তে তবনা গরানার পরেদি লগেপ্রভু আরঅ তা অবস্থাগান ফিরেল আর তারে বেক্কানি আগত্তুন দ্বিগুণ বেশ্ দিলো।

ইয়োব 5:11

নাদা মানুচ্চুনোরে তে অজলত্‌ তুলে; যিগুনে আবিলেচ্‌ হান্‌ তারারে তে গমেডালে রাগায়।

ইয়োব 8:8

পূরোণি দিনো মানুচ্চুনোরে পুযোর্‌ গরঅ; তারার্‌ পূরোণি মানুচ্চুনোরে যিয়েন্‌ শিগেয়োন্‌ সিয়েনি তোগেই চঅ।

গম্ উপদেজ্ 19:20

উপদেশ শুন্, শাজন্ মানি নেযা; যেরেদি তুই জ্ঞানি ওই পারিবে।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

মথি লেখ্যে গম্ হবর্ 13:12

কিয়া যিবের্ আঘে তারে আরঅ দিয়্যে অবঅ, আর সেক্কে তার্ বোউত্ অবাক্। মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।