ইয়োব 8:6 - Chakma Bible

⁶ যুনি তুই খাটি আর গম্‌ ওই থাচ্‌, সালে ইক্কিনেয়ো তে তঅ পক্ষেদি কাম্‌ গত্তে রাজি অবঅ আর তর্‌ গম্‌ জাগানত্‌ আরঅ তরে বোজেব।

ইয়োব 8:6 ပူးပေါင်းရင်းမြစ်များ

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

ইয়োব 11:14

তঅ আধত্‌ যে পাপ্‌পানি আঘে সিয়েনি দূর্‌ গুরি দে, আর অন্যেয়ানরে তঅ ঘরত্‌ থেবাত্তে ন-দিবে,

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

ইয়োব 5:24

তুই হবর্‌ পেবে, তঅ তাম্বুলান্‌ কিচ্চু ন অবঅ; তঅ‌ সোম্বোত্তিগানর্‌ ইজেব্‌ নেযেলে দেগিবে তর্‌ কিচ্ছু ন-আরাজ্‌।

গীতসংহিতা 18:25

ও লগেপ্রভু, তুই বিশ্বেজিগুনো সমারে বিশ্বেজি বেবহার গর্, নিদ্দুষিগুনো সমারে নিদ্দুযি বেবহার গর্,

গীতসংহিতা 44:23

ও প্রভু, চেদন্ অ, কিত্তেই তুই ঘুম্ যর্? উঠ্, উমরত্তে আমারে ছাড়ি ন-যেচ্।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 3:33

পাজি মান্‌জ্য ঘর উগুরে লগেপ্রভুর অভিশাব থায়, মাত্তর্ গোজেন ভক্তগুনোর্ ঘরানিরে তে বর্ দে।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।