8 তঅ চোখ্কুনে আর মরে ন-দেগিবাক্; তুই মরে তোগেবে, মাত্তর্ মুই আর ন-থেম্।
মাত্তর্ ইক্কিনে যেক্কে তে মুরি গেলঅ সেক্কে মুই আর কিত্তে উবোস্ থেম্? মুই কি তারে আর ফিরেই আনি পারিম? মত্তুন অ তাইদু যাহ্ পুরিবো। তে আর মইদু ফিরি ন-এবঅ।”
তুই মঅ টেঙত্ দুড়িলোই বান্যচ্; মর্ বেক্ পথ্তানি উগুরে তুই কড়া নজর্ রাগেয়োজ্ আর মর্ টেঙ কুজ্ বারানা ঠিগ্ গুরি দুয়োজ্।
মাত্তর্ মানুচ্ মুরিলে তে থুম্ ওই যায়; তে শেজ্ নিজেস্ ছাড়িনে কুদু যায়?
এ বাবোত্যে একজন উগুরে কি তমা চোগ্ পোজ্যে? বিচেরত্তে কি তুই মরে তঅ মুজুঙোত্ আনিবে?
স্ববন ধোক্ক্যেন্ তে মিলেই যেবঅ, তারে আর পাহ্ ন-যেবঅ; রেদোত্ দেগেদে ধোক্ক্যেন্ তে আদিক্ক্যেনগুরিনে আজি যেবগোই।
যিগুনে তারে দেগিদাক্ তারা আর তারে ন-দেগিবাক্; তার্ থেবার জাগায়ানেয়ো আর তারে ন-দেগিবো।
তারা শেজ্ বার ধোক্ক্যেন তাগোয়্যে অবস্থায় ঘুমেবাত্তে যান্, মাত্তর্ চোখ্কুন খুলিলে তারা দেগিলাক্ বেক্কানি শেজ্ ওই যেইয়্যে।
সিয়েন্ ন-অলে দঅ মুই ইক্কিনে সুগে-শান্দিয়্যে পড়ি থেই পারিদুঙ্, মুই ঘুরিদুঙ্ আর জিরেন্ পেদুঙ্।
কিত্তে তুই মঅ দুজ্ছান আর মঅ পাপ্পানি খেমা ন-গরচ্? মত্তুন্ দঅ যাদিমাদি মাদিত্ ঘুম্ যাহ্ পুরিবো; তুই মরে তোগেবে, মাত্তর্ মুই ন-থেম্।”
মাত্তর্ তা জাগানত্তুন্ যেক্কেনে তারে তুলি ফেলা অবঅ সেক্কেনে সে জাগায়ানে তারে অস্বীগের্ গুরিনে কবঅ, মুই তরে কনদিন্অ ন-দেগং।
ফুলো উগুরেন্দি বোইয়্যের্ বেঈ গেলে ফুল্লো আর্ ন-থায়; যে জাগানত্ সেই ফুল্লো ফুট্যে সেই জাগায়ানেয়ো আর তারে ইদোত্ ন-রাগায়।
সে পরেন্দি তে শেজ্ ওই গেল, আর্ ন-রলঅ; মুই তারে তোগেলুং, তারে পাহ্ ন-গেলঅ।
পাপত্তে তুই যেক্কেনে মান্জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।