ইয়োব 7:18 - Chakma Bible

¹⁸ পত্তিদিন বেন্যেমাদান্ তুই তারে তগাজ্‌, আর আমিঝে তারে তুই জগা চাজ্‌?

ইয়োব 7:18 ပူးပေါင်းရင်းမြစ်များ

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

ইয়োব 14:3

এ বাবোত্যে একজন উগুরে কি তমা চোগ্‌ পোজ্যে? বিচেরত্তে কি তুই মরে তঅ মুজুঙোত্‌ আনিবে?

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 73:14

পুরো দিন্নো মুই দুঘ্ পাঙর্; পত্তিদিন বেন্যেমাদান্ সাজা পেয়োং।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যিশাইয় 26:14

তারা ইক্কিনে মুরি যেইয়োন্, আর জেদা নেই; তারার্ আত্মাগানি আর জেদা ওই ন-উদিবো। তুই তারারে সাজা দিইনে ভস্ত গুরি দুয়োচ্; তারার্ বেপারান্ তুই এক্কুবারে পুজি ফেল্যচ্।

যিরমিয় 9:7

সেনত্তে বেগত্তুন খেমতাবলা লগেপ্রভু কোইয়্যেদে, “চঅ, মুই তারার তুদোগান নিগিলেনে পোরোক্কে গুরিম, কিত্তে মঅ মানুচ্চুনোরে নিইনে মুই আর কি গুরি পারিম?

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।