ইয়োব 7:11 - Chakma Bible

¹¹ সেনত্তে মুই আর্‌ জুরো গুরি ন-থেম্‌। মঅ মনত্‌ দুঘ্‌খো গুরিনে মুই কধা কোম্‌; মঅ তিদে পরাণে মুই তইদু দুঘ্‌খানি ফগদাঙ্‌ গুরিম্‌।

ইয়োব 7:11 ပူးပေါင်းရင်းမြစ်များ

পত্থম 42:21

সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্‌ গোজ্যেই সিয়েন্দোই আমি দুষি। তে যেক্কে আমা মুজুঙোত্‌ কোজোলী গোজ্যে সেক্কে তা মনর্‌ দুঃখোগান্‌ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 10:15

যুনি মুই দুযি অং সালে মঅ উগুরে দযা এবঅ। যুনি মুই নিদ্দুযিয়ো অং তো মুই মাধা তুলি ন-পারিম্‌, কিয়া মুই লাজে ভর্‌পুনোং ওইয়োং আর দুঘোত্‌ পোজ্যং।

ইয়োব 13:13

তুমি জুরো গুরি থাগঅ, মরে কধা কবাত্তে দুয়ো; সে পরেদি মর্‌ যিয়েন্‌ অবার্‌ সিয়েনই ওক্‌।

ইয়োব 16:6

কধা কলেয়ো মঅ পিড়েগান ন-কমে; জুরো গুরি থেলেয়ো সিয়েন্‌ দূর্‌ ন-অয়।

ইয়োব 21:25

আরঅ কনজনে কনদিন্‌অ গমানি ভোগ্‌ ন-গরন্‌ তিদে পরাণদোই মুরি যান।

ইয়োব 23:2

এবঅ মঅ কানানিগান দুঘে ভরা; মুই ছত্‌ফদাঙর্, তো গোজেনর গুওর্ আঢ্‌‌তান মঅ উগুরে রোইয়্যে।

ইয়োব 36:21

উজিয়ার অ, ভান্ন্যেয়দি ন-ফিরিবে, কিত্যে দুঘ্ পানাত্তুন ভান্ন্যেয়ান তইদু প্রিয়।

ইয়োব 6:26

মঅ কধাত্‌ কি তুমি দুজ্‌ ধুরিবাত্তে চর্‌? তুমি দঅ মন্‌মরা ওইয়্যে মান্‌জ্যর কধানি বোইয়্যের ধোক্ক্যেন্ মনে গরর্‌।

ইয়োব 9:27

যুনি কঙে, মঅ দুখ্‌কান মুই ভুলি যেম্‌, মুয়ো চেঙেরাগান্‌ বুদুলিনে মুই আজিম,

গীতসংহিতা 39:3

মঅ মনত্ যেনে জ্বালা ধুরিলো; মুই যেক্কেনে মনে মনে কধা কুয়ো ধুরিলুং সেক্কেনে যেন আগুন জলেত্তে ধোক্ক্যেন্। সে পরেদি মুই কলুং,

গীতসংহিতা 40:9

ও লগেপ্রভু, দাঙর্ মিটিঙোত্ তঅ ধোক্ক্যেন কামর্ পৌইদ্যেনে মুই ফগদাং গরং; তুই দঅ হবর্ পাচ্, মুই মুয়োন বানি ন-থাং।

যিশাইয় 38:15

মাত্তর্ মুই কি কোম্? তে মঅ লগে কধা কোইয়্যে আর নিজে ইয়েন গোজ্যে। মঅ পরাণর এ দুঘ্‌কানত্তে মুই জিংকানির বাদবাগি বেক্ বজরুন নম্র ওইনে চুলিম।‌‍‌‌‌‌

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

২ করিন্হীয় 2:4

বোউত্ দুঘ্ আর মনত্ দুঘে চোগো পানিলোই মুই তমা ইধু লেখ্যং। তমারে দুঘ্ দিবাত্যে মুই ন-লেগং, বরং তমা উগুরে মর্ কোচ্‌পানা যে কত্তমান্ গভীন্ সিয়েন জানেবাত্যে লেখ্যং।

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।