ইয়োব 7:1 - Chakma Bible

¹ এ পিত্‌থিমীত মানজ্যত্তুন্‌ দরমর কাম্‌ গরা পরে, তে মজুরো ধোক্ক্যেন্‌ দিন কাদায়।

ইয়োব 7:1 ပူးပေါင်းရင်းမြစ်များ

ইয়োব 10:17

মঅ বিরুদ্ধে তুই নুয়ো নুয়ো সাক্ষী তুলোর্‌ আর মঅ উগুরে তর্‌ কাঙেলেত্যে বাড়েই তুলোর্‌; তঅ আক্রমণান্‌ এককানর্‌ পর্‌ এক্কান্‌ মঅ বিরুদ্ধে এজের্‌।

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 5:7

যেধোক্ক্যেন্ সত্য যে আগুনো ঝিলান্‌ উগুরেন্দি উদে, সেধোক্ক্যেন্ সত্য, মান্‌জ্যে দুঘ্‌ পেবাত্তে জর্মান।

ইয়োব 7:2

চাগর্‌বো যেধোক্ক্যেন্‌ সাজোন্যে মাদানত্তে বাজ্জেই থায়, চাগর্‌বো যেধোক্ক্যেন্‌ তা বেতনত্তে আজা গুরি থায়,

গীতসংহিতা 39:4

ও লগেপ্রভু, কক্কেনে মর্ জিংকানিগান শেজ্ অবঅ? মুই আর্ কয়দিন বাঁজি থেম্ সিয়েন মরে কঅ; মর্ জিংকানিগান যে দুএক দিনোর্ সিয়েন মরে বুঝেই দে।

উপদেশক 8:8

বোইয়্যেরানরে যেধোক্ক্যেন্ ধুরি রাগেবার্ খেমতা কারর্ নেই আর যুদ্ধোত্ যেধোক্ক্যেন্ কনজনে ছড়ান্ ন-পায়, সেধোক্ক্যেন্ মরণ দিন্নো উগুরেয়ো কারর্ আঢ্ নেই। পাজিগুনোর্ পাজিগানিও সিয়েনত্তুন্ তারারে রোক্ষ্যে গুরি ন-পারে।

যিশাইয় 16:14

মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্‌জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”

যিশাইয় 21:16

প্রভু মরে কোইয়্যেদে, “চুক্তি গোজ্যে চাগরে যেধোক্ক্যেন্ বজরুন গুণোন্ সেধোক্ক্যেন গুরি ঠিগ্ এক বজর ভিদিরে কেদরর বেক্ সয়সাগজ্যেগানি থুম্ ওই যেবঅ।

যিশাইয় 38:5

তুই যেইনে হিষ্কিয়রে কঅ, তার্ পুরোণি মানুচ্ দায়ূদোর গোজেন লগেপ্রভু কোইয়্যেদে, মুই তর্ তবনাগান্ শুন্যং আর তঅ চোগো পানিগান দেখ্যং; মুই তর্ আয়ুগান আরঅ পনর বজর্ বাড়েই দিলুং।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

লেবীয় 25:50

যে বজরত্‌ তে নিজোরে বিজি দিবো সে বজরত্তুন্‌ ধুরি আরাম্ভ গুরিনে ফিরি পাইদে বজর্‌ সং কয় বজর্‌ অয় সিবে তে আরঅ তার্‌ গিরোজ্‌সো ইজেব রাগেব। সেই কয় বজরর এক্কো চাগরর্‌ যিগুন্‌ পাওনা অবঅ সে ইজেবে তার্‌ উদ্ধোর-দামান্‌ ঠিগ্ গরা অবঅ।

দ্বি’লম্বর বিররণ 15:18

চাগর বা চাগরানীবোরে উদ্ধোর্ গুরি দেনাগান তুমি কনঅ দুগোর্‌ বেপার বিলিনে মনে ন গোজ্য, কিয়া এ ছয় বজর সং তে তমাত্যে যে কামানি গোজ্যে তার দামান্‌ দ্বিজন মান্‌জ্যর কামর্‌ সমান। তারারে উদ্ধোর গুরি দিলে তমা গোজেন লগেপ্রভু তমারে বেক্কানিত আশিদ্‌বাদ গুরিবো।