ইয়োব 5:9 - Chakma Bible

⁹ তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

ইয়োব 5:9 ပူးပေါင်းရင်းမြစ်များ

ইয়োব 10:16

যুনি মুই মাধা অজল্‌ গরং সালে তুই সিংহ ধোক্ক্যেন্ মত্তেই হাপ্‌ দি থেবে আর মরে আরঅ তর্‌ দর্‌গরেপারা বল্‌ দেগেবে।

ইয়োব 13:1

মুই ইয়েনি নিজো চোগেদি দেখ্যং আর নিজো কানে শুনিনে সিয়েনি বুচ্ছোং।

ইয়োব 37:14

ইয়োব, তুই এ কধাগান শুন; থির্ ওইনে গোজেনর আমক্ অইদে কাম কধানি চিদে গর্।

ইয়োব 37:16

তুই কি হবর্ পাচ্ কেধোক্ক্যেন গুরিনে মেঘ্‌কানিয়ে দুলো দুলো গুরি থায়? যিবে জ্ঞানে ভরপুর্ তার আমক্ অইদে কামানি কি তুই হবর্ পাচ্?

ইয়োব 37:5

গোজেনে আমক্ অইদে ধোক্ক্যেন্ গুরিনে গুজুরে; তে এন্ মহৎ মহৎ কাম গরে যিয়েনি আমি বুঝি ন-পারিই।

ইয়োব 42:3

তুই পুযোর্ গোজ্যচ্ছে, ‘ইবে কন্না, যে ন-বুঝিনে মঅ উদ্দেশ্যগানরে ভিদিরে ভিদিরে রাগায়?’ এ কধাগান ঠিগ্ যে, মুই যিয়েন ন-বুঝোং সে পৌইদ্যেনে কধা কোইয়োং; সিয়েন এদক্ আমক্ অবার্ যে, মর্ বুঝোনার বারেদি।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

গীতসংহিতা 139:18

যুনি সিয়েনি মুই গুণোং সালে সিয়েনি ধূল্যেচরত্তুন্‌অ বেশ্। মুই যেক্কেনে জাগি উদোং সেক্কেনে মুই তঅ কায়-কুরে থাং।

গীতসংহিতা 145:3

লগেপ্রভু দাঙর্ আর বেক্কুনোত্তুন্ বেজ্ নাঙ্ গিনে হেবার্ যগাজ্যে; কনজনে তার গমান্ ন-বুঝোন্।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 40:6

য়েমান আর অন্য উৎসর্ব তুই ন-চাজ্, পুজ্যে আর পাপ-উৎসর্বয়ো তর্ দরকার নেই; মাত্তর্ তর্ কধা শুনিবার কানান্ তুই মরে দুয়োচ্।

গীতসংহিতা 72:18

লগেপ্রভু গোজেন, যিবে ইস্রায়েলর গোজেন, তার বাঈনী ওক্; বানা তে আমক্ আমক্ অইদে কামানি গরে।

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।