ইয়োব 5:7 - Chakma Bible

⁷ যেধোক্ক্যেন্ সত্য যে আগুনো ঝিলান্‌ উগুরেন্দি উদে, সেধোক্ক্যেন্ সত্য, মান্‌জ্যে দুঘ্‌ পেবাত্তে জর্মান।

ইয়োব 5:7 ပူးပေါင်းရင်းမြစ်များ

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 7:1

এ পিত্‌থিমীত মানজ্যত্তুন্‌ দরমর কাম্‌ গরা পরে, তে মজুরো ধোক্ক্যেন্‌ দিন কাদায়।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

উপদেশক 1:8

বেক্কানি ঘুরি ঘুরি এজে আর বল্‌পোজ্যে অয়; সে পৌইদ্যেনে কবার্ কধা কারর্ নেই। চোগ্‌কুনে যেদক্ দেগিদাক্ সাৎ আরঅ দেগিবাত্তে চায়, কানানিয়ে যেদক্ শুনিদো সাৎ আরঅ শুনিবাত্তে চায়।

উপদেশক 2:22

বেলান তলেদি মান্‌জ্যে যেদক্কানি কাম্ আর চিদে-চজ্জা গরন্ যেরেদি সিয়েনির কি লাভ্ অয়?

উপদেশক 2:23

পত্তি দিন্ তা কামানিত্ থায় পিড়ে আর কাঙেলেত্যে; রেদোত্‌অ তা মনান্ জিরেন্ ন-পায়। ইয়েন্‌ অ বাহ্‌জে।

যিরমিয় 20:18

কষ্ট আর দুঘ্ দেগিবাত্তে আর লাজে মঅ জিংকানিগান কাদেবাত্তে কিত্তে মুই পেদ ভিদিরেত্তুন্ নিগিলি এলুং?

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।