ইয়োব 5:5 - Chakma Bible

⁵ পেট্‌ পুজ্যে মানুচ্চুনে তা ধানুন্‌ হেই ফেলাদন্‌, এন্‌ কি, কাদা ঘিজ্যে ভিদিরেত্তুন্অ‌ তারা সিয়েন্‌ তুলি নেযান্‌; নাদা মানুচ্চুনে তা ধন-সম্পদত্তে ভারী উচ্চোমি অন্‌।

ইয়োব 5:5 ပူးပေါင်းရင်းမြစ်များ

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

ইয়োব 1:15

এ ভিদিরে শিবায়ীয়গুনে লুদেবাত্তে এইনে সিগুনোরে নেযেলাক্‌। তারা তঅ‌ চাগরুনোরে মারে ফেলেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

ইয়োব 1:17

দ্বিলম্বর মানুচ্চো সেক্কেয়ো কধা কর্‌ এন্‌ সময়োত্‌ আর এক্কো মানুচ্‌ এইনে হবর্‌ দিলো, “কল্‌দীয়গুনে তিন্নো দলত্‌ ভাগ ওইনে হানা দিইনে তঅ উট্‌তুন নেযেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

ইয়োব 12:6

লুদেয়্যেগুনোর্‌ তাম্বুলোত্‌ কনঅ হাঙেলেত্যে নেই; যিগুনে গোজেনরে হাঙেলেত্যে গরন্‌ তারা গমেডালে থান্‌; গোজেনেয়ই যেনে তারারে বেক্কানি দের্‌।

ইয়োব 2:3

সেক্কে লগেপ্রভু শদান্‌নোরে কলঅ, “মঅ‌ চাগর্‌ ইয়োব ইন্দি কি তুই রিনি চেইয়োচ্‌? পিত্‌থিমীত তা ধোক্ক্যেন্ আর কনজন নেই। তে নিদ্দুজি আর গম্‌। তে মরে ভোক্তি গুরিনে দরায় আর ভান্ন্যেইয়ত্তুন্‌ দূরোত্‌ থায়। যুনিয়ো তে এনেবাদে তারে নাশ গুরিবাত্তে মরে উচ্ছোমি তুলি দিয়্যে তো তে এজঅ‌ কনঅ দুজ্‌ ন-গরে।”

ইয়োব 20:15

যে ধন-সোম্বোত্তিগানি তে গিল্যে সিয়েনি তে উগুলি দিবো; গোজেনে তা পেদত্তুন্‌ সিয়েনি নিগিলেই ফেলেব।

ইয়োব 20:22

তার বোউত্‌ কিজু থানার্‌ সময়ত্‌অ তে দুঘোত্‌ পুরিবো। দুঘ্‌কানে তার্‌ পুরো খেমতালোই লোইনে তা উগুরে এবঅ।

ইয়োব 22:10

সেনত্তে তঅ চেরোকিত্তে ফাল্‌ পাত্যে আঘে, আদিক্ক্যেনগুরিনে দযা এইনে তরে দর্‌ দেগার্‌,

গীতসংহিতা 109:11

মাজন্ মানুচ্চুনে বেক্কানি নেযাদোক্; অন্য মানুচ্চুনে তারার কামর ফলুন্ লুদেই নেযাদোক্।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

আবিলেচ্ 2:5

লগেপ্রভু শত্রু ধোক্ক্যেন ওইয়্যে; তে ইস্রায়েলরে গজক্ গোজ্যে। তে গজক্ গোজ্যে তার বেক্ দাঙর্ দাঙর্ ঘরানি আর ভস্ত গুরি দিয়্যে তার বেক্ তাম্বুলানি। তে যিহূদা-ঝিবোর্ মনত্ দুঘ্ আর আবিলেচ্ গরানা বাড়েই দিয়্যে।

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।