ইয়োব 5:2 - Chakma Bible

² হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

ইয়োব 5:2 ပူးပေါင်းရင်းမြစ်များ

পত্থম 30:1

রাহেলে যেক্কে দেগিলো তে যাকোবর কনঅ ঝি-পুয়োর মা ওই ন পারের সেক্কে তা বোনো উগুরে তা মনত্‌ ইংসে জাগিলো। তে যাকোবরে কলঅ, “মরে ঝি-পুয়ো দে, ন-অলে মুই মুরি যেম্‌।”

পত্থম 38:9

ওননে হবর্‌ পেদ, সে বংশবো তার্‌ নিজোর্‌ ন-অবঅ। ভেইবোর্‌ ওইনে বংশ রোক্ষ্যে গুরিবার্‌ আওজ্ ন-থানায়্‌ যেদক্‌বার্‌ তে তা ভেইবোর্ মোক্কো ইধু গেলঅ সেদক্‌বার তে বীর্যগান মাদিত্‌ ফেলে দিলো।

ইয়োব 18:4

তুই দঅ রাগে নিজোরে কট্টা কট্টা গরর্‌; তত্তেই কি পিত্‌মিগান ছাড়ি যাহ্ পুরিবো? নাকি মুড়োগুনোরে তা জাগানত্তুন্‌ সোরেই দিয়্যে পুরিবো?

গীতসংহিতা 107:17

যিগুনোর মনানি বাজে সিগুনে তারার উল্লোমিগানিত্তে আর অন্যেয়ত্তে দুঘ্ পেলাক্।

গীতসংহিতা 14:1

যিগুনোর্ মনানি বাজে তারা মনে গরন্দে গোজেন বিলিনে কনজন নেই। তারার্ খাচ্চ্যত্‌তানি বর্‌বাদ ওই যেইয়্যে, তারার্ কামানি জঘন্য; গম্ কাম্ গরন এবাবোত্যে কনঅ মানুচ্ নেই।

গীতসংহিতা 75:4

“মুই বার্‌বোগুনোরে কং, ‘বার্‌বো ন-গোজ্য,’ আর পাজিগুনোরে কং, শিঙুন্ ন-পাত্যেয়ো।

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গম্ উপদেজ্ 12:16

যিবের চিদে-চজ্জানি বাজে তে তার লবাদোস্যেগানি ফগদাং গুরি ফেলায়, মাত্তর্ উজিয়ারবলা মানুচ্ নিজোর অগমানানি নাঢি দে।

গম্ উপদেজ্ 19:16

যে মানুচ্চো গোজেনর সুদোমানি পালায় তে তার জিংকানিগান রোক্ষ্যে গরে; মাত্তর্ যে তার জিংকানির পথ্‌তান ইন্দি মনান্ ন-দে তে মুরিবো।

গম্ উপদেজ্ 19:19

অমকদ রাগি মান্‌জ্যত্তুন্ সাজা পাহ্ পুরিবো; তারে একপল্লা রোক্ষ্যে গুরিলে বার্ বার্ গরা পুরিবো।

গম্ উপদেজ্ 27:3

পাত্তরুন্ গুয়োর্ আর কোরোলীগানিয়ো গুয়োর্, মাত্তর্ বাজে মান্‌‌জ্যরে রাগ্ তুলি দিলে তে সেই দ্বিয়েনত্তুন্অ গুয়োর্ অবঅ।

গম্ উপদেজ্ 8:5

ভুল্ মানুচ্চুন, চালাগ্ অবাত্তে বুদ্ধি গরঅ; জ্ঞাননেইয়্যে মানুচ্চুন্, বিচেরবুদ্ধি শিগো।

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

২ তীমথিয় 3:6

এবাবোত্যে মানুচ্চুনো ভিদিরে কেঅ কেঅ ঘরে ঘরে সমেইনে চিদে-বিদে মিলেগুনোরে ভান্ন্যেই পধেদি নেযান। এ মিলেগুনো উগুরে পাপ বুক্ক্যে আঘে; তারা নানান্ কামনা-বাসনালোই চলন্।