ইয়োব 5:12 - Chakma Bible

¹² ধূর্ত মানুচ্চুনোর সল্লাগানি তে ফোলেইয নঅ দে, সেনত্তে তারা কনঅ‌ ভালেদি গুরি ন-পারন্‌।

ইয়োব 5:12 ပူးပေါင်းရင်းမြစ်များ

পত্থম 31:22

ইয়েনর্‌ তিন দিনোত্‌ লাবনে হবর্ পেলদে, যাকোবে ধেই যেইয়্যে।

২ শমূয়েল 11:9

মাত্তর্‌ ঊরিয় নিজো ঘরত্‌ ন-গেলঅ। তে রাজার্‌ বেক্‌ কামগুরিয়্যেগুনোর্‌ লগে রাজঘরর্‌ গেদোত্‌ পড়ি থেলঅ।

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ রাজাবলী 6:9

সেক্কে গোজেনর্‌ মানুচ্চো ইস্রায়েল রাজারে কোই পাদেল, “উজিয়ার্‌, অমুক জাগাত্‌ ন-যেবা, কিত্তে অরামীয়গুনে সিদু যাদন্‌।”

নহিমিয় 4:15

আমা শত্রুগুনে যেক্কে হবর্‌ পেলাক্‌, আমি তারার্‌ কুজুরোমির কধানি হবর্‌ পেই আর গোজেনে সিয়েনি বিফল গুরি দিয়্যে, সেক্কে আমি বেক্কুনে দেবালর্‌ কায়-কুরে যেইনে যে যার্‌ কামত্‌ লাগি গেলঙ্‌।

নহিমিয় 4:9

মাত্তর্‌ আমি আমা গোজেনর ইদু তবনা গুরিলোং আর তারার্‌ দরে দিন-রেত্‌ চুগি দিবাত্তে বেবস্থা গুরিলোং।

ইয়োব 15:5

তঅ পাবত্তে তুই এধোক্ক্যেন্ গুরিনে কধা কর্ আর কধা কত্তে চালাক্‌ মান্‌জ্য ধোক্ক্যেন।

গীতসংহিতা 21:11

যুনিয়ো তারা তর্ বিরুদ্ধে শদানর্ কুজুরোমি আর ভান্ন্যেই চিন্তে গোজ্যন্, তো তারা সিয়েনিত্ ফোলেই ন-পারিবাক্;

গীতসংহিতা 37:17

পাজিগুনোর আঢ্‌তানি ভাঙি যেবঅ, মাত্তর্ লগেপ্রভু গোজেন ভক্তগুনোরে ধুরি রাগেব।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

গম্ উপদেজ্ 22:12

লগেপ্রভু জ্ঞানান্ রোক্ষ্যে গরে, মাত্তর্ তে অবিশ্বেজিগুনোর কধা -বাত্তানি ফোলেই ন-দে।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

ওবদিয় 1:8

লগেপ্রভু কত্তে, সেদিন্যে মুই কি ইদোমর জ্ঞানী মানুচ্চুনোরে আর এষৌর মুড়োগুনোত্তুন্ বুদ্ধিবলা মানুচ্চুনোরে ভস্ত ন-গুরিম?

প্রেরিত্‌ 12:11

সেক্কে পিতরে যেন চেতনা ফিরি পেলঅ আর কলঅ, “ইক্কিনে মুই ঘেচ্চ্যেক্ গুরি বুঝিলুং যে, প্রভু তা দূত্‌তোরে পাধেইনে হেরোদ্অ আঢত্তুন্ আর যিহূদীগুনে যিয়েন গুরিবাত্যে কুজুরোমি গোজ্জ্যন্ সিয়েনিত্তুন্ মরে রোক্ষ্যে গুরিলো।”

১ শমূয়েল 23:13

এ কধাগান শুনিনে দায়ূদে তা লগে প্রায় ছয়শত্‌ মানুচ্‌ নেযেইনে কিয়ীলা ছাড়িনে গেলগোই আর এক জাগাত্তুন আরেকজাগাত্‌ ধেইনে বেড়া ধুরিলো। দায়ূদে কিয়ীলাদত্তুন্‌ ধেই যেইয়্যে শুনিনে শৌল আর সিদু ন-গেলঅ।