ইয়োব 42:2 - Chakma Bible

² “মুই হবর্ পাং তুই বেক্কানি গুরি পারচ্; তর্ কনঅ সল্লা গরানাগান্ বাদ ন-যায়।

ইয়োব 42:2 ပူးပေါင်းရင်းမြစ်များ

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

ইয়োব 23:13

মাত্তর্ তে বেক্কানিত্ থির্ থায়, কনজনে তারে মানা গুরি ন-পারন্; তার্ যিয়েন হুজি তে সিয়েনই গুরিদো।

ইয়োব 25:2

“রেজ্যগানি গোজেনর, ভোক্তিবলা দর্ তারই পাওনা; স্বর্গর অজল জাগানত্ তে সুগ্‌-শান্দি থিদেবর্ গরে।

ইয়োব 42:1

ইয়োবে সেক্কে জোবত্ লগেপ্রভুরে কলঅ,

গীতসংহিতা 135:6

আগাজত্, পিত্‌থিমীত, সাগরত্ আর পিত্‌থিমীর তলে জাগানত্ লগেপ্রভু তার আওজ্ মজিম কাম গরে।

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

উপদেশক 3:14

মুই হবর্ পাং গোজেনে যিয়েনি গরে সিয়েনি উমর্ সং থায়; কিচ্চু তা সমারে মিজেই ন-পারে আর কিচ্চু সিয়েনিত্তুন্ বাদ্ দিয়্যে ন-যায়। গোজেনে সিয়েনি গরে যেন মানুচ্ তারে ভোক্তি গুরিনে দরান্।

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 43:13

অয়, পৌইল্যেত্তুন্ ধুরি মুয়ই সিবে। কনজনে মঅ আঢত্তুন্ রোক্ষ্যে গুরি ন-পারে। মুই কাম্ গুরিলে কনজনে সিয়েন বাদ্ দি ন-পারে।”

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

মার্ক 10:27

যীশু তারা ইন্দি সোজা রিনি চেইনে কলঅ, “মান্‌‌‍জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর পক্ষে অসম্ভব নয়; তা পক্ষে বেক্কানি সম্ভব।”

মার্ক 14:36

তে কলঅ, “বাবা, মঅ বাপ্পো, তইধু দঅ বেক্কানি সম্ভব। এই দুঘোর্ গলচ্চো মত্তুন্ তুই নেযা। তো মর্ আওজ্ মজিম ন-ওক্, মাত্তর্ তর্ আওজ্ মজিম ওক্।”

লূকে লেখ্যে গম্ হবর্ 18:27

যীশু কলঅ, “যিয়েন মান্‌জ্যর্ পক্ষে অসম্ভব গোজেনর্ পক্ষে সিয়েন সম্ভব।”

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।