ইয়োব 40:4 - Chakma Bible

⁴ “মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

ইয়োব 40:4 ပူးပေါင်းရင်းမြစ်များ

পত্থম 18:27

অব্রাহামে কলঅ, “চাহ্‌, মুই ধূল্যে আহ্ ছেই ছাড়া আর কিচ্ছু নয়, তো মুই ন-দোরেনে মঅ প্রভুর্‌ লগে কধা কঙর্‌।

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

ইষ্রা 9:15

ও ইস্রায়েলর গোজেন লগেপ্রভু, তুই ন্যায়বলা। আমি এচ্চ্যে সং কিজু মানুচ্ বাঁজি আগিই। তঅ মুজুঙোত্ আমি বেক্কুনে পাপী, আর সেনত্যে আমাত্তুন্ কেয়ই তঅ মুজুঙোত্ থিয়্যেবার্ যগাজ্যে নয়।”

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

ইয়োব 16:21

মান্‌জ্যে যেধোক্ক্যেন্ সমাজ্যে পক্ষ ওইনে কধা কন্‌ সেধোক্ক্যেন্ যুনি বানা একজনে মঅ পক্ষ ওইনে গোজেন ইদু কধা কোই পারিদো!

ইয়োব 21:5

মইন্দি চেইনে তুমি আমক্‌ অ; তমার্‌ মুয়োন্দি আঢ্‌তান চাহ্‌বি দুয়ো।

ইয়োব 29:9

মুরুব্বিগুনে কধা কনা বন্ধ গুরিদাক্ আর আঢ্‌‌তোই মুয়োন্ ঢাগিদাক্;

ইয়োব 31:37

মর্ পত্তি পোইদ্যের্ ইজেব মুই তারে দিম্; রাজার পুয়ো ধোক্ক্যেন মুই তাইদু উজেই যেম্।

ইয়োব 37:19

“তারে কি কুয়া পুরিবো সিয়েন তুই আমারে কঅ; আমি জ্ঞানবলা নয় বিলিনে তারে আমা কধানি জানেই ন-পারিই।

ইয়োব 40:3

সেক্কেনে ইয়োবে জোবত্ লগেপ্রভুরে কলঅ,

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গীতসংহিতা 39:9

মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

গম্ উপদেজ্ 30:32

যুনি তুই নিজোরে দাঙর্ গুরি তুলিনে ভুল্ গরচ্ বা অন্যগুনো বিরুদ্ধে কুসল্লা গরচ্, সালে আঢ্‌‌তান মুয়োনত্ নাঢি দে।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

আবিলেচ্ 3:29

তে ধূল্যেত্ মুয়োন ঢাগোক্, অয়ত আজা থেইয়ো পারে।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

লেবীয় 13:12

মাত্তর্‌ যুনি লক্ষণান্‌ অন্য বাবোত্যে ওইনে রোগ্‌কান্‌ তার্‌ গোদা কিয়্যেনত্‌ ছিদি পড়ি থায়্‌ আর ধর্মগুরুবোর্‌ যেত্তমান্‌ চোগোত্‌ পড়ে সেক্কে যুনি মনে গড়ন্‌ রোগীবোর্‌ মাদাত্তুন্‌ ধুরি টেং সং গোদা কিয়্যেনত্‌ সিয়েন্‌ আঘে,

মীখা 7:16

জাদ্‌‌‌তুনে বোলী অলেয়ো তঅ কামানি দেগিনে লাজাদোক্। তারা মুয়োত্ আঢ্ দেদোক্ আর কানানি নাঢি রাগাদোক্।

হবক্‌‌‌‌কূক 2:20

মাত্তর্ লগেপ্রভু তার্ সুদ্ধো-সাংগ ঘরত্ আঘে; বেক্ পিত্‌থিমীগান তা মুজুঙোত্ জুরোগুরি থোক্‌‌‌‌‌‌।”

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

লূকে লেখ্যে গম্ হবর্ 18:13

সেক্কে সেই খাজানা-তুলিয়্যেবো কিজু দূরোত্ থিয়্যেই এলঅ। আগাজ ইন্দি রিনি চেবার্‌‌‌‌অ তার সাহচ্‌ ন-অলঅ; তে বুগ্ চাবেরেইনে কলঅ, ও গোজেন! মুই পাপী; মরে দোয়্যে গর্।

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

বিচের গুরিয়্যেগুন 18:19

জোবত্‌ তারা তারে কলাক্‌, অলর্‌ থাক্‌, মুয়োনত্‌ আঢ্‌তানি চাবি দিইনে তুই আমা লগে আয়; আমা ধর্মগুরু ওইনে বাবঅ ধোক্কেন্‌ অ। এক্কো মান্‌জ্যর গিরির্ ধর্মগুরু অনাত্তুন্‌ কি ইস্রায়েলীয়গুনোর এক্কো গুট্টির ধর্মগুরু অনা গম্‌-নয়?