ইয়োব 4:9 - Chakma Bible

⁹ গোজেনর বঅ নিজেজে তারা ভস্ত ওই যাদন্‌ আর শেজ্‌ ওই যাদন্‌ তা রাগর্‌ কধালোই।

ইয়োব 4:9 ပူးပေါင်းရင်းမြစ်များ

২ রাজাবলী 19:7

শুন্‌, মুই তা ভিদিরে এন্‌ এক্কান্‌ মনোভাব জাগেই দিম্‌ যিয়েনত্তে তে এক্কান্‌ হবর্‌ শুনিলে তা দেজত্‌ ফিরি যেবঅ আর সিদু মুই তারে লাম্বা ছুড়িলোই শেজ্‌ গুরি দিম্‌।’ ”

ইয়োব 1:19

সেক্কে ধূল্যেচর-চাগালাত্তুন্‌ আদিক্ক্যেগুরি এক্কান্‌ তুত্যে বোইয়্যের্‌ এইনে ঘরানরে আঘাত্‌ গুরিলো। সেক্কে ঘরান্‌ ভাঙি যেইনে তারা উগুরে পড়িনে তারা মুরি গেলাক্‌। তরে হবর্‌ দিবাত্তে বানা মুই রোক্ষ্যে পেইয়োং।”

ইয়োব 15:30

তে আন্ধারান ছাড়ি ন-পারিবো; তে এন্‌ গাজঅ ধোক্ক্যেন্ অবঅ যিবের্‌ ডেলাগুন্‌ আগুনো জিল্লোই পুড়ি যেবাক্‌; গোজেন মুয়োর্‌ নিজেসে তে উড়ি যেবঅ।

ইয়োব 40:11

তর্ দর্‌গরেপারা রাগকান্ ঢালি দে; পত্তি বার্‌বো মান্‌জ্যরে তর্ চোগো ইজিরেলোই তলে ফেলা।

ইয়োব 40:13

তারারে বেক্কুনোরে একসমারে ধূল্যেলোই নাঢি ফেলা; মরণর জাগানত্ তারারে বানি রাগা।

গীতসংহিতা 18:15

ও লগেপ্রভু, তর্ ধমক্কোই আর নিযেজে মাদি তলাত্তুন্ পানি দেগা দিলো, পিত্‌থিমীর ভিদিরেদিগান নিগিলিলো।

যাত্রা 15:10

মাত্তর্‌ তুই ফুন্‌ দিইনে বোইয়্যের্‌ ‌দিলে, আর সাগরানেয়ো তারারে ঢাগি ফেলেল। তারা মরং পানি তলাত্‌ শিজে ধোক্ক্যেন গুরি ডুবি গেলাক্।

যাত্রা 15:8

তর্‌ নিশ্বেজর্ থেলায় পানিগান্ এগত্তর্‌ ওই উদিলো। তুবোল্লোই ভোজ্যে বেক্‌ পানিগান খুদো ধোক্ক্যেন ওইনে ঠিয়্যেই গেলঅ, আর তলা ন-পেইয়্যে পানিগান্‌ জমা অলঅ সাগরর্‌ বুগোত্‌।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 40:7

ঘাস শুগেই যায় আর ফুলঅ ছিনি পড়ে, কিত্তে লগেপ্রভুর নিজেস্‌ছো সিগুনো উগুরেদি বেই যায়। ঘেচ্চেক্‌গুরি মানুচ্ দঅ ঘাস ধোক্ক্যেন্।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

ফগদাং পেইয়্যে 2:16

সেনত্যে এ অবস্থাত্তুন্ মনান্ ফিরা। যুনি মনান্ ন-ফিরেচ্ সালে মুই সবরে তইধু এইম্ আর মঅ মুয়ো ছুরিগান্দোই তারা বিরুদ্ধে যুদ্ধো গুরিম।