ইয়োব 4:6 - Chakma Bible

⁶ তুই যে গোজেনরে ভোক্তি গুরিনে দরাজ্‌ সেক্কে কি তুই আশ্বাজ্ ন-পাজ? তুই যে নিদ্দুযি সিয়েন্‌ কি তর্‌ আজা নয়?

ইয়োব 4:6 ပူးပေါင်းရင်းမြစ်များ

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

ইয়োব 17:15

সালে মর্‌ আজাগান কুদু? আর মর্‌ আজাগানর পরিপুরোনান্‌ কন্না দেগিবো?

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

গম্ উপদেজ্ 14:26

লগেপ্রভু উগুরে ভোক্তিবলা দরত্তুন্ দোল্ আজা এজে আর তা ঝি-পুয়োগুনোত্তে আশ্রয়র জাগা থায়।

গম্ উপদেজ্ 3:26

কিত্তে তুই লগেপ্রভু উগুরে বিশ্বেজ্ গুরিবে, আর তে ফালত্ পড়ানাত্তুন্ তঅ টেঙান রোক্ষ্যে গুরিবো।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।