ইয়োব 4:5 - Chakma Bible

⁵ মাত্তর্‌ ইক্কিনে তর্‌ নিজো উগুরে দুঘ্‌ এচ্ছ্যে আর তুই আমক্‌ ওইয়োজ্; দুঘ্‌কানে তরে আঘাত্‌ গোজ্যে আর তুই নিরাশ্ ওইয়োজ্‌।

ইয়োব 4:5 ပူးပေါင်းရင်းမြစ်များ

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

ইয়োব 19:21

ও মঅ সমাজ্যেগুন, মর্‌ পিরেগান্দোই পিরে পঅ, কিয়া গোজেনর আঢ্‌তানে মরে আঘাত্‌ গোজ্যে।

ইয়োব 2:5

তুই আঢ্ বাবেইনে তা কিয়্যেত্‌ আঘাত্‌ গর্‌, তে হামাক্কাই তঅ মুজুঙোত্‌ তঅ‌ বিরুদ্ধে অগমান কধা কবঅ।”

ইয়োব 4:4

যিগুনে জীংকানির-পদথ্‌ উজোত্‌ খেইয়োন্‌ তমা কধানি তারারে এজাল্‌ দিয়্যে; তারার্‌ বল্‌পোজ্যে আঢুগুন্‌ তুই দরমর গোজ্যস্‌।

ইয়োব 6:14

আমক্‌ ওইয়্যে মানুচ্চো যুনিয়ো বা বেগত্তুন্‌ বোলী গোজেনরে ভোক্তি গরানা ছাড়ি দে, তো তা সমাজ্যেগুনোর্‌ উজিত্‌ তা উগুরে বিশ্বেজ্‌ থানা।

গীতসংহিতা 30:8

ও লগেপ্রভু, তরে মুই ডাক্কোংগে; মর্ প্রভু ইদু মুই কোজোলি গুরিনে কোইয়োংগে,

গম্ উপদেজ্ 24:10

দজার্ দিনোত্ যুনি তুই আজা নেইয়্যে অচ্, সালে দঅ তঅ খেমতাগান বেশ্ নয়।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 12:5

গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;