ইয়োব 4:3 - Chakma Bible

³ ভাবি চাহ্‌, কয় জনরে তুই কদক্‌ সল্লা দুয়োচ্ আর বল্‌পোজ্যে আঢ্‌তানরে দরমর গোজ্যচ্।

ইয়োব 4:3 ပူးပေါင်းရင်းမြစ်များ

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

ইয়োব 16:5

মাত্তর্‌ মুই সিয়েন্‌ ন-গুরিদুঙ্‌, বরং মঅ মুয়োনে তমারে উচ্ছোমি দিদো; মঅ মুয়োর্ বুঝেবার কধানিয়ে তমারে সুগ্‌ দিদো।

ইয়োব 29:11

যিগুনে মঅ কধানি শুনিদাক্ তারা মরে ভালেদি কদাক্, আর যিগুনে মরে দেগিদাক্ তারা মরে নাঙ্ গিনিদাক্,

ইয়োব 29:15

মুই এলুঙ্ কান্ মানুচ্চুনোর চোগ্ আর আদুরুনোর টেং।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

ইয়োব 29:21

মান্‌জ্যে মঅ কধানি শুনিবাত্তে বাজ্জেই থেদাক্, মঅ সল্লাগানিলোই জুরোগুরি থেদাক্।

ইয়োব 4:4

যিগুনে জীংকানির-পদথ্‌ উজোত্‌ খেইয়োন্‌ তমা কধানি তারারে এজাল্‌ দিয়্যে; তারার্‌ বল্‌পোজ্যে আঢুগুন্‌ তুই দরমর গোজ্যস্‌।

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

গম্ উপদেজ্ 16:21

যিবের মনত্ জ্ঞান আঘে তারে বুদ্ধিবলা কুয়ো অয়, আর মিদে মিদে কধালোই কাররে শিগেলে তার জ্ঞান বাড়ে।

যিশাইয় 35:3

যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

সফনিয় 3:16

সেদিন্যে তরে কুয়ো অবঅ, “ও সিয়োনান্, তুই ন-দোরেচ্, তুই আজা ন-আরেজ্।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

লূকে লেখ্যে গম্ হবর্ 22:43

সেক্কে স্বর্গত্তুন্ এক্কো দূত এইনে যীশুরে খেমতা দান গুরিলো।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।