ইয়োব 4:11 - Chakma Bible

¹¹ শিগের্‌ ন-পেলে সিংহগুনে মুরি যান্‌, আর সিংহীর ছঅ‌গুনে ইন্দি-উন্দি ছিদি পড়ন্‌।

ইয়োব 4:11 ပူးပေါင်းရင်းမြစ်များ

পত্থম 49:9

যিহূদা, তুই সিংহ ছঅ; শিগের্‌ গোজ্যে য়েরানি হানা থুম্ গুরিনে মর্‌ এ পুয়োবো উদি এজে; সিংহ আর সিংহী ধোক্ক্যেন গুরি তে বজে আর ঘুমোত্‌ পড়ে। কন্না তারে জাগেব?

ইয়োব 1:19

সেক্কে ধূল্যেচর-চাগালাত্তুন্‌ আদিক্ক্যেগুরি এক্কান্‌ তুত্যে বোইয়্যের্‌ এইনে ঘরানরে আঘাত্‌ গুরিলো। সেক্কে ঘরান্‌ ভাঙি যেইনে তারা উগুরে পড়িনে তারা মুরি গেলাক্‌। তরে হবর্‌ দিবাত্তে বানা মুই রোক্ষ্যে পেইয়োং।”

ইয়োব 20:10

নাদামানুচ্চুনোর ক্ষতিপূরণ তার ঝি-পূঅগুনোত্তুন্‌ গরা পুরিবো; তাত্তুন্‌ নিজোর আদে তার্‌ ধন-সোম্বোত্তিগানি ফিরেই দিয়্যে পুরিবো।

ইয়োব 29:17

মুই বজং মানুচ্চুনোর মাড়িগানি ভাঙি দিদুং আর তারা মুয়োত্তুন শিগের্ কারি নেযেদুং।

ইয়োব 38:39

যেক্কেনে সিংহগুনে গাদঅ ভিদিরে পড়ি থান্ বা ঘুর্‌গুজ্যে ঝুবো আন্দলে উৎ পাদি থান্, সেক্কেনে সিংহিবোত্তে কি তুই শিগের্ তগাজ্ আর পেত্পড়া অক্তত্ সিংহবোরে হানা দুয়োচ্?

ইয়োব 5:15

তে ধারেয়্যে জিলোর্‌ আধত্তুন্‌ নাদামানুচ্চুনোরে বাঁজায়; বোলিগুনোর্‌ মুদোত্তুন্‌ তারারে রোক্ষ্যে গরে।

ইয়োব 5:4

তা পূঅগুনে গমেডালে ন-থান; বিচের জাগানত্‌ তারা বেক্কানি আরান্‌, তারার্‌ রোক্ষ্যেগুরিয়্যে কনজন ন-থেবাক্‌।

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

গীতসংহিতা 7:2

সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

গণাণা 23:24

এই বেক্‌ মানুচ্চুনে থিয়্যেই উদিবাক্‌ সিংহ ধোক্ক্যেন গুরি, আর সিংহ ধোক্ক্যেন গুরি নিজোরে দেগেবাক। শিগের্‌ গোজ্যে য়েমানর্ লো আর য়েরা খেই ন-পানা সং তারা ন-জিরেবাক্‌।”

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।