ইয়োব 38:8 - Chakma Bible

⁸ যেক্কেনে পিত্‌থিমীর পেদত্তুন বড় গাঙান্ নিগিলি এচ্চ্যে সেক্কেনে কন্না তারে দোরান্দোই বন্ধ গোজ্যে?

ইয়োব 38:8 ပူးပေါင်းရင်းမြစ်များ

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 1:9

ইয়েন পরেদি গোজেনে কলঅ, “আগাজ তলেদি বেক্‌ পানিগান এক্কান জাগাত্‌ জমা ওক্‌ আর শুগুনো জাগা দেগা দুয়োগ্‌।” আর সিয়েনই অলঅ।

ইয়োব 28:25

তে যেক্কেনে বোইয়্যের্‌লোই খেমতা যোগেল আর পানি কত্তমান ঠিগ্ গুরিলো,

ইয়োব 38:10

মুই তা দুযিগান ঠিগ্ গুরি দুয়োং; তার দোরান্ আর আগলান মুই থিদেবর্ গোজ্যন।

ইয়োব 38:9

সেক্কেনে মুই মেঘ্‌কানরে তা পজাক্ বানেয়োং, আর তারে ঘুর্‌গুজ্যে আন্ধারত্ মিলেই দুয়োং।

গীতসংহিতা 104:6

তুই পিত্‌থিমীগানরে কাবড়্‌লোই ঢাগেদে ধোক্ক্যেন গুরি সাগর পানিলোই ঢাগি দুয়োচ্; মুড়ো-মুড়িগুনো সেই পানিলোই ঢাক্যে এলঅ।

গীতসংহিতা 107:24

সিগুনে লগেপ্রভুর কাম দেখ্যন্, গভিন পানিত্ দেখ্যন তার আমক অবার্ কামানি।

গীতসংহিতা 33:7

তে সাগর পানিগান এগত্তর্ গুরিনে তুবেয়্যে, আর নানান্ ভান্ডালত্ সে গভীন পানিগান রাগায়।

গম্ উপদেজ্ 30:4

কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

গম্ উপদেজ্ 8:29

তে যেক্কেনে সাগর দুযিগান থির্ গোজ্যে যেন পানিগান তা পরিমান বারেদি পার্ ওই ন-এজে, যেক্কেনে তে পিত্‌থিমীর গড়াগান ঠিগ্ গোজ্যে,

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍