ইয়োব 38:7 - Chakma Bible

⁷ সেক্কে দঅ পোত্য আমল্যে তারাগুনে এক সমারে গান গেইয়োন আর স্বর্গদূত্‌তুনে বেক্কুনে হুজিয়ে রঅ ছাড়ি উঠ্যন্।

ইয়োব 38:7 ပူးပေါင်းရင်းမြစ်များ

পত্থম 1:16

গোজেনে দ্বিবে দাঙর পহ্‌র বানেল। সিগুনো ভিদিরে দাঙরবোরে দিন উগুরে রাজাগিরি গুরিবাত্যে, আর চিগোন্নোরে রেদো উগুরে রাজাগিরি গুরিবাত্যে বানেল। সিগুন বাদে তে-তারায়ো বানেল।

ইয়োব 1:6

একদিন্যে স্বর্গদূত্তুনে লগেপ্রভুর মুজুঙোত্‌ যেইনে লুমিলাক্‌ আর শদান্নোয়ো তারা সমারে লুমিলো।

ইয়োব 2:1

আর একদিন্যে স্বর্গদূত্‌তুনে লগেপ্রভুর মুজুঙোত্‌ যেইনে লুমিলাক্‌, আর শদান্‌নোয়ো তা মুজুঙোত্‌ আঝিল্ অবাত্তে স্বর্গদূত্‌তুনোর্‌ সমারে এলঅ।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

ফগদাং পেইয়্যে 2:28

যে জিদিবো তারে মুই বেন্যেপোত্যে মাদান্ সুখ তারাবোয়ো দিম।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 5:11

যেরেদি মুই দেগিলুং; আর মুই সেই সিংহাসন, জেদা প্রাণী আর নেতাগুনোর চেরোকিত্যে ভালোক্কুন স্বর্গদূতোর্ রঅ শুনিলুং। সেই স্বর্গদূত্‌তুনে এলাক্ জনেদি আজার আজার, কোটি কোটি।