ইয়োব 38:6 - Chakma Bible

⁶ কিয়্য উগুরে পিত্‌থিমীর খুদোগুন থিদেবর্ গরা ওইয়্যে? আর তা কুণো পাত্তর্‌‌বো বা কন্না থিদেবর্ গোজ্যে?

ইয়োব 38:6 ပူးပေါင်းရင်းမြစ်များ

ইয়োব 26:7

তে দেবাবো উত্তরেদি আগাজ্‌ছান ছিদি দিয়্যে; দেবাবো উগুরে পিত্‌থিমীগানরে টাঙেই রাগেয়্যে।

গীতসংহিতা 104:5

তুই পিত্‌থিমীগানরে তা নিজো গড়াগান উগুরে থিদেবর্ গোজ্যস্; সিয়েন কনদিন্‌অ ন-লুড়িবো।

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

গীতসংহিতা 144:12

আমা পুয়োগুন হার্‌গোজ্যে বয়জত্ যেন গাজ চারা ধোক্ক্যেন্ উদোন্, আর আমা ঝি-গুনে যেন রাজঘরর্ ছাজিনে বানেয়্যে খুদো ধোক্ক্যেন অন।

গীতসংহিতা 24:2

কিত্যে তেয়ই গভীন্ পানি উগুরে পিত্‌‌থিমীর গোড়াগান গাড়েল, আর সেই পিত্‌‌থিমীর মাদিগান তলেদি পানি উগুরে ধুরি রাগেল।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

গম্ উপদেজ্ 8:29

তে যেক্কেনে সাগর দুযিগান থির্ গোজ্যে যেন পানিগান তা পরিমান বারেদি পার্ ওই ন-এজে, যেক্কেনে তে পিত্‌থিমীর গড়াগান ঠিগ্ গোজ্যে,

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

২ পিতর 3:5

এই মানুচ্চুনে আওজ্ গুরিনে ভুলি যান্, ভালোক্ দিন আগে গোজেনর্ কধালোই আগাজ্‌চান সৃট্টি ওইয়্যে আর পানিলোই আহ্ পানি ভিদিরেত্তুন্ পিত্‌থিমীগান্অ সৃট্টি ওইয়্যে।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।