ইয়োব 38:4 - Chakma Bible

⁴ মুই পিত্‌থিমীর গড়াগান থিদেবর্ গুরিবার অক্তত্ তুই কুদু এলে? যুনি তর্ বুদ্ধি থায় সালে কঅ।

ইয়োব 38:4 ပူးပေါင်းရင်းမြစ်များ

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

পত্থম 2:4

সৃট্টির পরেদি আগাজ্‌চান আর পিতথিমীয়ানর কধা: লগেপ্রভু গোজেনে যেক্কে আগাজ্‌চান আর পিতথিমীগান্ বানেল সেক্কে পিতথিমীয়ানর বুগোত্‌ শোজ্য জাদর্‌ কনঅ গাছ-বাশ ন-এলাক্ আর ক্ষেত্‌-ক্ষেত্তিয়ো জর্মানা আরম্ভ ন-অয়, কিত্তে সেক্কেয়ো তে পিতথিমীয়ান উগুরে ঝড় পড়িবার যুক্কোল ন-গরে। সিয়েনবাদে ভূইয়োত্‌ চাষ-বাজর্‌ কাম্‌ গুরিবাত্তে কনঅ মানুচ্‌অ ন-এলাক্।

ইয়োব 15:7

মান্‌জ্য ভিদিরেত্তুন্‌ কি তুই পত্তমে জোর্মেয়োজ্‌? মুড়োমুড়িগুনোর্‌ জর্মর আগেদি কি তর্‌ জর্ম ওইয়্যে?

ইয়োব 28:25

তে যেক্কেনে বোইয়্যের্‌লোই খেমতা যোগেল আর পানি কত্তমান ঠিগ্ গুরিলো,

ইয়োব 34:13

পিত্‌থিমীর ভারান্ কি কনজনে তারে দিয়্যে? পুরো দুনিয়্যেগানর দেগাশুনোর কামত্ কনজনে কি তারে লাগেয়্যে?

গীতসংহিতা 102:25

ভালোক্ বজর আগে তুই পিত্‌থিমীর গড়াগান গারেয়োচ্; দেবাবোয়ো তঅ আঢ্‌তোই বানেয়্যে।

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 104:5

তুই পিত্‌থিমীগানরে তা নিজো গড়াগান উগুরে থিদেবর্ গোজ্যস্; সিয়েন কনদিন্‌অ ন-লুড়িবো।

গম্ উপদেজ্ 3:19

লগেপ্রভু গম্ বুদ্ধি দিইনে পিত্‌থিমীর গড়াগান বানেয়্যে, বিচের বুদ্ধিলোই আগাজ্‌ছানরে তা জাগানত্ রাগেয়্যে।

গম্ উপদেজ্ 30:4

কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

গম্ উপদেজ্ 8:22

লগেপ্রভুর কামর্ আরাম্ভত্, তা সিরিস্টির কামান আগেদি মুই তার্ এলুং;

যিশাইয় 40:14

বুদ্ধি পেবাত্তে লগেপ্রভু কার সল্লা নেযেয়্যে, আর ঠিগ্ পথ্‌তান কন্না তারে দেগেই দিয়্যে?‌ কন্না তারে জ্ঞান শিক্ষ্যে দিয়্যে বা বিচের্ বুদ্ধির পথ দেগেয়্যে?

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

ইব্রীয় 1:10

গোজেনে আরঅ কোইয়্যেদে, “প্রভু, তুই বোউত্ দিন আগে পিত্‌থিমীর গড়াগান গাড়েয়োচ্, দাঙর্ আগাজ্‌‌চান তঅ আঢে বানেয়োচ্।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।