ইয়োব 32:7 - Chakma Bible

⁷ মুই মনে গোজ্যংগে, যিগুনোর্ বয়জ বেশ্ তারা কধা কবাক্, তারা জ্ঞান শিক্ষ্যে দেদোক্ যিগুনোর ভালোক্ বজর্ পার্ ওই যেইয়্যে।

ইয়োব 32:7 ပူးပေါင်းရင်းမြစ်များ

২ বংশধর 10:6

যিদুক্কুন্‌ বুড়ো নেতায় তা বাপ্পো শলোমনর্ জীংকানিত্‌ তারে সেবা গুরিদাক্‌ রহবিয়ামে তারা লগে শল্লা গুরিবাত্তে কলঅ, “এ মানুচ্চুনোরে জোব্‌ দিবাত্তে তুমি মরে কি শল্লা দি পারঅ?”

ইয়োব 12:12

তুমি কোই থাগঅ, বুড়ো মানুচ্চুনো ইদু জ্ঞান পাহ্ যায় আর ভালোক্‌ দিন সং বুদ্ধি পায়।

ইয়োব 15:10

আমা ভিদিরে এন্‌ এক্কো আঘে যিবের্‌ চুল্‌ পাক্যে, যিবে বুড়ো; তা বয়সছান্‌ তঅ বাবঅ বয়জত্তুন্‌‌অ বেশ্‌।

ইয়োব 32:9

বানা বুড়ো মানুচ্চুনে যে জ্ঞানবলা সিয়েন নয়, যিগুনোর বয়জ বেশ্ বানা তারা যে গমেডালে বুঝে সিয়েন নয়।

গীতসংহিতা 119:100

বুড়ো মানুচ্চুনোত্তুন্‌অ বেশ্ মুই বুঝোং, কিত্তে মুই তর্ সুদোমানি পালাং।

গম্ উপদেজ্ 16:31

পাগানা চুল অলদে দোল্ অনার মুকুট; গোজেন উগুরে ভোক্তিবলা জিংকানি কাদেইনে সিয়েন পাহ্ যায়।

ইব্রীয় 5:12

এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।