ইয়োব 27:4 - Chakma Bible

⁴ সেদকদিন মঅ মুয়োনে ভান্ন্যেই কধা ন-কবঅ, মঅ জিলানে ছলনা কধা ন-কবঅ।

ইয়োব 27:4 ပူးပေါင်းရင်းမြစ်များ

ইয়োব 13:7

গোজেনর পক্ষ ওইনে কি তুমি অন্যেই কধা কবা? তার্‌ ওইনে কি ছলনার্‌ কধা কবা?

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

ইয়োব 24:25

যুনি সিয়েনই অয় সালে কন্না মঅ কধানি মিজে গুরিনে পরমান গুরি পারিবো? মঅ কধাগান যে মিজে সিয়েন কন্না কোই পারিবো?”

ইয়োব 33:3

মঅ কধাগান খাটি মনানত্তুন্ এচ্চ্যে; মুই যিয়েন হবর্ পাং সিয়েন মঅ মুয়োনে গমেডালে কবঅ।

ইয়োব 34:6

মুই ঠিগ্ কধা কলেয়ো মরে মিজেকধা কোইয়্যে মনে গরা ওইয়্যে; দুষ্ নেইয়্যে গুরি মুই এন্ আঘাত্ পেইয়োং যিয়েন্ গম্ নয়।

ইয়োব 6:28

মাত্তর্‌ ইক্কিনে দোয়্যে গুরিনে তুমি মইন্দি চঅ, মুই তমা মুজুঙোত্‌ মিজে কধা ন-কোম্‌।

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

২ করিন্হীয় 11:10

মইধু খ্রীষ্টর্ যে সত্যগান্ আঘে সে ধগে মুই কংগে, আখায়া রেজ্যর্ কনঅ জাগাত মর্ এ দেমাগ্ গরানাগান্ কেঅ বন্ধ গুরি ন-পারিবাক্।