ইয়োব 27:2 - Chakma Bible

² যিবে মঅ বিচের্ গুরিবাত্তে অস্বীগের্ গোজ্যে সেই জেদা গোজেনর নাঙে কঙর্, যিবে মঅ পরাণানরে তিদে গুরি দিয়্যে সেই বেগ খেমতাবলাবো নাঙে কঙর্,

ইয়োব 27:2 ပူးပေါင်းရင်းမြစ်များ

২ শমূয়েল 2:27

যোয়াবে কলঅ, “গোজেনর্‌ নাঙে কঙর্, তুই কধা ন-কলেয়ো বেন্যেমাদান্ মানুচ্চুনে তারার্‌ ভেইয়ূনোরে লড়ানা বন্ধ গুরিদাক্।”

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:15

এলিয় কলদে, “মুই যিবেরে সেবা গরঙ্‌, অত্তাৎ গোদা সংসারানর্‌ গিরোজ্‌ জেদা লগেপ্রভুরে শমক্‌ হেইনে কঙর্‌, মুই এচ্ছ্যে আহাবর্‌ মুজুঙোত্‌ হামাক্কায় আঝিল্ ওম্‌।”

২ রাজাবলী 4:27

মাত্তর্‌ কর্মিল মুড়োবোত্‌ গোজেন মানুচ্চুনোর্‌ ইদু লুমিনে তে তার্‌ টেঙানি আজাবোদে ধুরিলো। গেহসি তারে সোরেই দিবাত্তে এলে গোজেন মানুচ্চো কলঅ, “তারে মানা ন-গোজ্য। তা মনত্‌ অমকদ দুখ্‌, মাত্তর্‌ লগেপ্রভু; মত্তুন্‌ সিয়েন্‌ লুগেই রাগেয়্যে, মরে নঅ-কয়।”

ইয়োব 10:3

মরে দুঘ্‌ দিইনে তর্‌ কি লাভ? তঅ আদঅ কামান্‌ কি তুই টেঙোই ঠেলর্ আর শদানুনোর্‌ সল্লালোই হুজি অর্‌?

ইয়োব 16:11

বজং মানুচ্চুনো ইদু গোজেনে মরে তুলি আন্যে; শদান্‌ মানুচ্চুনো আধত্‌ তে মরে ফেলেই দেগি।

ইয়োব 19:6

সালে জানি লঅ, গোজেনে মঅ উগুরে অন্ন্যেই গোজ্যে; নিজো জাল্লোই তে মরে ঘিজ্যে।

ইয়োব 23:16

গোজেনে মঅ মনান্ ভাঙি দিয়্যে; বেগত্তুন খেমতাবলা গোজেনে মরে অমকদ দর্‌বুগ লাগেয়্যে।

ইয়োব 34:5

ইয়োবে কত্তে, মুই নিদ্দুযি, মাত্তর্ গোজেনে গমেডালে আমা বিচের ন-গরে।

ইয়োব 35:2

কধাগান কি তুই ঠিগ্ বিলিনে মনে গরচ্?

ইয়োব 40:8

তুই মর্ ন্যায় বিচেরানরে কি এলাফেলা গুরিবে? তুই যে নিদ্দুযি সিয়েন প্রমান্ গুরিবাত্তে কি তুই মরে দুযি গুরিবে?

ইয়োব 9:17

তে ঝড়্‌লোই মরে ভাঙি ফেলায় আর এনেবাদে বার্‌ বার্‌ মরে আঘাত্‌ গরে।

ইয়োব 9:18

তে মরে নিজেস্‌ নিবাত্তে ন-দে বরং তিদেলোই মঅ জিংকানিগান্‌ ভোরেই দে।

যিশাইয় 40:27

ও যাকোব, কিত্তে তুই কোইয়োচ্, ও ইস্রায়েল, কিত্তে তুই এ আবিত্তিগান্ গোজ্যস্, “মঅ পথ্‌তান লগেপ্রভুত্তুন্ লুগেয়্যে রোইয়্যে, মর্ ন্যায়বিচের্ পেবার অধিকার মর্ গোজেনে এলাফেলা গোজ্যে”?

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

গণাণা 14:21

মাত্তর্‌ মুই বাঁজি আগং এই কধাগান যেধোক্ক্যেন সত্য আর গোদা দুনিয়েগান্‌ মর্‌ মহিমায়্‌ পরিবাদি এই কধাগান্‌ যেধোক্ষ্যেন সত্য সেধোক্ষ্যেন্ সত্য ,

রূত 3:13

তুই এচ্চ্যে রেদোত্‌ ইয়োদোই থাক্‌। কেল্যে বেন্যে যুনি তে তর্‌ কাম ভারান নেযাদে রাজী অয় সালে গম্‌; তেয়ই সিয়েন গোরোক্। মাত্তর্‌ যুনি তে রাজী ন-অয় সালে মুই জেদা লগেপ্রভুর শমক্‌ গুরিনে কঙর্‌, মুই তর্‌ কাম ভারান্ লোম। বেন্যেমাদান্ ন-অনা সং তুই ইয়োদোই পড়ি থাক্।”

১ শমূয়েল 14:39

ইস্রায়েলীয়গুনোর উদ্ধোর্ গুরিয়্যে জেদা লগেপ্রভুর শমক্‌, মর্‌ পূঅ যোনাথনেয়ো যুনি সিয়েন গুরি থায় হামাক্কায় তাত্তুনো মরা পুরিবো।” মাত্তর্‌ মানুচ্চুনে বেক্কুনে অলর্ গুরি থেলাক্।

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।

১ শমূয়েল 20:21

সে পরেন্দি এক্কো পূঅরে ইয়েন কোইনে পাধেই দিম্‌, ‘যাহ্, সেলুন্‌ তোগেই আন্‌।’ যুনি মুই তারে কং, ‘সেলুন তইন্দি আগন্‌, লোই আন,’ সালে তুই আদি এবে, কিত্যে জেদা লগেপ্রভুর দিব্য তুই গমেডালে আগজ্, তর্‌ কনঅ দর্‌ নেই।

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।

১ শমূয়েল 25:34

তরে ক্ষেতি গরানাত্তুন্‌ যিবে মরে দূরোত্‌ রাগেয়্যে সেই ইস্রায়েলীয়গুনোর গোজেন্‌ জেদা লগেপ্রভুর নাঙে কঙত্তে, তুই যুনি যাদিমাদি এইনে মঅ লগে দেগা গুরিদে সালে বেন্যেমাদান্ সং নাবলর্ ঘরত্‌ কনঅ মরদপুয়ো বাঁজি ন-থেদাক্।