ইয়োব 24:9 - Chakma Bible

⁹ বাপনেইয়্যে চিজিবোরে সেই শদানুনে মা বুগোত্তুন্ কাড়ি নেযান্ আর কজ্জত্যে নাঢা মানুচ্চুনোর পুঅগুনোরে বন্ধক্ রাগান।

ইয়োব 24:9 ပူးပေါင်းရင်းမြစ်များ

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

নহিমিয় 5:5

যুনিয়ো আমি এক্‌ জাদর্‌ মানুচ্‌ আর আমা ঝি-পূঅগুনে তারার্‌ ঝি-পূঅগুনো ধোক্কেন্‌ তো আমা ঝি-পূঅগুনোরে চাগর্‌ বানা পোজ্যে, আর আমা ঝি-গুনোর্‌ ভিদিরে কয়েকজনে আগেত্তুন্‌ ধুরি চাগর্‌ ওই যেইয়োন্‌। ইক্কিনে আমাত্তুন্‌ কনঅ্‌ খেমতা নেই, কিত্যে আমার ভূইয়ানি আর আংগুর ক্ষেত্‌তানি অন্যর্‌ ওই যেইয়্যে।”

ইয়োব 22:6

তুই এনেবাদে তঅ ভেইয়ুনোত্তুন্‌ বন্ধক্‌ নেযেদে; তুই মানুচ্চুনোর্‌ কাবড়ানি খুলি নেযেইনে তারারে লাংটা-ভাংটা রাগেইদে।

ইয়োব 24:10

কাবড়র্ অভাবে নাঢা মানুচ্চুনে লাংটা-বাংটা ওইনে ঘুরি বেড়ান্; তারা পেত্ পরায় ধান শিজে বুয়ো ধরন্।

ইয়োব 24:8

তারা মুড়োমুড়ি ঝরত্ ভিজোন্ আর আশ্রয়র অভাবে শিলুনোর্ ইদু এগত্তর্ অন।

ইয়োব 29:12

কিত্যে বল্ পেবাত্তে যে নাদা মানুচ্চুনে কানন্ আর যে বাপ-মা নেইয়্যেগুনোরে বলদিয়্যে কনজন ন-এলাক্, তারারে মুই রোক্ষ্যে গুরিদুং।

ইয়োব 6:27

তুমি মা-বাপ্‌ নেইয়্যে গুনোরে চাম্বা চেইনে থাগঅ আর সমাজ্যেবোরে বিজি দিবাত্তে চঅ।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

দ্বি’লম্বর বিররণ 24:7

যুনি দেগা যায়দে, কনঅ মানুচ্‌ কনঅ ইস্রায়েলীয় ভেইয়োরে চুর্‌ গুরি নেযেইনে চাগর্‌ ইজেবে বেবহার গোজ্যে বা বিজি দিয়্যে, তো সে চুর্‌বোত্তুন্‌ মরা পুরিবো। তমা ভিদিরেত্তুন্‌ তুমি এবাবোত্যে ভান্ন্যেইয়ানি শেজ্‌ গুরি ফেলেবা।