ইয়োব 24:4 - Chakma Bible

⁴ তারা পথ্‌তানিত্তুন্ নাঢা মানুচ্চুনোরে ধাবেই দুয়োন; তারাত্তে দেজর বেগ্ নাঢা মানুচ্চুনে পোল্যেই থান্।

ইয়োব 24:4 ပူးပေါင်းရင်းမြစ်များ

ইয়োব 24:14

খুন্‌গুরিয়্যেগুনে বেন্যেপোত্যে উদিনে নাঢা আর অভাবীগুনোরে মারে ফেলান্, আর রেদোত্ তে চুর্ ওইনে চুর্ গরে।

ইয়োব 29:12

কিত্যে বল্ পেবাত্তে যে নাদা মানুচ্চুনে কানন্ আর যে বাপ-মা নেইয়্যেগুনোরে বলদিয়্যে কনজন ন-এলাক্, তারারে মুই রোক্ষ্যে গুরিদুং।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

ইয়োব 30:25

যিগুনে দুঘোত্ পোজ্যন্ তারাত্তে কি মুই ন-কানং? নাঢা মানুচ্চুনোত্তে কি মুই মনত্ দুগ্ ন-পাং?

ইয়োব 31:16

মুই যুনি নাঢা মানুচ্চুনোর অভাব্‌পানি মিটেই ন-দুয়োং, বা রাণিমিলেগুনোরে নিরাশ্ গুরি থাং,

ইয়োব 31:19

যুনি মুই কাররে কাবড়-চুগোর অভাবে মুরিবোদে ধোক্ক্যেন দেগিই থাং বা অভাবী মান্‌জ্যরে লাংটা-বাংটা দেগিই থাং,

গীতসংহিতা 109:16

তারা দোয়্যে গুরিবার কধা কনদিন্‌অ মনে ন-গরন্, তো দুঘী, নাঢা আর আজা নেইয়্যে মানুচ্চুনোরে মারে ফেলেবাত্তে অত্যেচার গুরিদাক্।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 28:12

গোজেন ভক্ত মানুচ্চুনোর আঢত্ খেমতা গেলে বেক্কুনোর ভালেদি অয়, মাত্তর্ পাজিগুনোর আঢত্ খেমতা গেলে মানুচ্চুনোরে তোগেইনে পাহ্ ন-যায়।

গম্ উপদেজ্ 28:28

পাজি মানুচ্চুনো আঢত্ খেমতা গেলে মানুচ্চুনে লুগোন্, মাত্তর্ সেই পাজিগুনে ভস্ত অলে গোজেন ভক্ত মানুচ্চুন্ বাড়িবাক্।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিহিষ্কেল 18:12

তে নাঢা আর অভাবীগুনোরে অত্যেচার গরে। তে চুর্ গরে আর বন্ধগী জিনিস্‌‌চানি ফিরেই ন-দে। তে মূত্তিপূজো গরে আর জঘন্য কাম্ গরে।

যিহিষ্কেল 18:18

মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 22:29

দেজ মানুচ্চুনে অত্যেচার আর ডাগেত্ গরন্; তারা নাঢা আর অভাবীগুনো উগুরে অন্যেয় গরন আর ন্যায়বিচের্ ন-গুরিনে বিদেশীগুনো উগুরে অত্যেচার গরন্।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”