ইয়োব 22:9 - Chakma Bible

⁹ তো তুই রানি মিলেগুনোরে সুদো আত্যে বিদেয় গুরিদে আর মা-বাপ নেইয়্যেগুনোর অধিকারান্‌ কাড়ি নেযেদে।

ইয়োব 22:9 ပူးပေါင်းရင်းမြစ်များ

ইয়োব 24:21

তারা ভাজ্ মিলেগুনোরে গজক্ গরন আরে রানীমিলেগুনোরে দোয়্যে ন-গরন।

ইয়োব 24:3

তারা বাপ-মা নেইয়্যেগুনোর গাধাগুন নেযান্ আর রানিমিলেগুনোর গোরুগুন বন্ধক্ রাগান।

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

ইয়োব 6:27

তুমি মা-বাপ্‌ নেইয়্যে গুনোরে চাম্বা চেইনে থাগঅ আর সমাজ্যেবোরে বিজি দিবাত্তে চঅ।

গীতসংহিতা 10:15

পাজি আর বজং মানুচ্চুনোর্ খেমতাগান তুই শেজ্ গুরি দিচ্; তার্ বেক্ অন্যেয়র্ ইজেবপানি তুই চেই নেযেচ্।

গীতসংহিতা 37:17

পাজিগুনোর আঢ্‌তানি ভাঙি যেবঅ, মাত্তর্ লগেপ্রভু গোজেন ভক্তগুনোরে ধুরি রাগেব।

গীতসংহিতা 94:6

রানিমিলে আর বিদেশিগুনোরে তারা মারে ফেল্যন্ আর মা-বাপ নেইয়্যে গুনোরে খুন গোজ্যন্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 48:25

মোয়াবর খেমতার্ শিঙুন্ কাবি ফেলা ওইয়্যে; তা আঢ্‌‌তানি ভাঙি ফেলা ওইয়্যে।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

যিহিষ্কেল 30:22

মুই প্রভু লগেপ্রভু কঙর্, মুই মিসরর রাজা ফরৌনর বিপক্ষে। মুই তার গম্ আর ভাঙা দ্বিয়েন আত্ ভাঙি দিম আর তা আঢত্তুন্ লাম্বা ছুরিগান্ ফেলেই দিম।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 23:14

ফক্কর্ ধর্ম-মাষ্টর আর ফরীশীগুন, অভিশাব্ পোড়োক্ তমার্! এক কিত্তেদি তুমি মানুচ্চুনোরে দেগেবাত্তে লাম্বা লাম্বা গুরি তবনা গরঅ, অন্য কিত্তেদি রানি মিলেগুনোর্ সোম্বোত্তিগানি গজক্ গরঅ। ইয়েনত্তে তমার্ বোউত্ বেশ্ সাজা অবঅ।

দ্বি’লম্বর বিররণ 27:19

সে মানুচ্চো অভিশাব খেইয়্যে, যে বিদেশী বাসিন্দা, মা-বাপ নেইয়্যে আর রানিমিলেগুনো উগুরে অন্যেয় বিচের অবাত্তে দে। সেক্কে বেক্কুনে কবাক, আমেন।