ইয়োব 2:8 - Chakma Bible

⁸ সেক্কে ইয়োবে ছেইয়োর সংমোধ্যে বজিনে সার্‌ভাঙালোই নিজো কিয়্যেগান্‌ ঘজা ধুরিলো।

ইয়োব 2:8 ပူးပေါင်းရင်းမြစ်များ

২ শমূয়েল 13:19

সেক্কে তামরে নিজো মাধাবোথ্‌ ছেই দিলো আর তা উজ্যেদে সিলুম্মো ফাদি ফেলেল। সে পরেন্দি তে মাধাত্‌ আঢ্ দিইনে গুজুরি গুজুরি কানদে কানদে গেলগোই।

ইষ্টের 4:1

পুরো হবরান্‌ জানি পারিনে মর্দখয় উজ্যে কাবড়ান্‌ ফাদিনে বস্তা ফাদা উরিলো আর ছেই গুলিনে শঅর ভিদিরে যেইনে রঅ ছাড়ি ছাড়ি অমকদ কানা ধুরিলো।

ইষ্টের 4:3

পত্তি চাগালাত্‌ যিয়েনত্‌ রাজার কধাগান আর উগুমান লুমিলো সিয়েনত্‌ যিহূদীগুনো ভিদিরে আবিলেচ্‌, উবোস্, কানাকুদি আর বিলেপ্‌ গরা ধুরিলাক্‌। কয়েকজনে বস্তা ফাদা উরিনে ছেইয়ো উগুরে পড়িলাক্‌।

ইয়োব 2:9

সেক্কে তা মোক্কো তারে কলঅ, “তুই এজঅ দাবি গরত্তে, তুই নিদ্দুযি? গোজেনরে দুজ্‌ দিইনে মুরি যাহ্‌।”

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গীতসংহিতা 38:5

মর্ ভুলোত্তেই মঅ ঘাগানত্তুন্ পঁজাবাজ্ নিগিলের্, সিয়েনত্ পযাবাজে ধোজ্যে।

গীতসংহিতা 38:7

মর্ কমরত্ জ্বালাপড়া ওইয়্যে, মর্ কিয়্যেগান শুগুনো।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

যিহিষ্কেল 27:30

তারা তত্তে রঅ ছাড়িনে অমকদ কানাকুদি গুরিবাক্ আর নিজো মাঢাত্ ধূল্যে দিবাক্ আর ছেইয়ো ভিদিরে গোজ্যেবাক্।

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।