ইয়োব 2:5 - Chakma Bible

⁵ তুই আঢ্ বাবেইনে তা কিয়্যেত্‌ আঘাত্‌ গর্‌, তে হামাক্কাই তঅ মুজুঙোত্‌ তঅ‌ বিরুদ্ধে অগমান কধা কবঅ।”

ইয়োব 2:5 ပူးပေါင်းရင်းမြစ်များ

১ বংশধর 21:17

সেক্কে দায়ূদে গোজেনরে কলঅ, “মানুচ্চুনোরে গুণিবার উগুমান্‌ কি মুই ন-দুয়োং? পাপ মুয়ই গোজ্যং, অন্যেইঅ গোজ্যং। ইগুনে দঅ ভেড়া ছাগল ধোক্ক্যেন, ইগুনে কি গোজ্যন্‌? ও লগেপ্রভু, মঅ গিরোজ্‌, মর্‌ আর মঅ গিরি উগুরে তঅ আঢ্‌তান পোড়োক্‌, মাত্তর্‌ এ ভানা পিড়েগান যেনে আর তঅ মানুচ্চুনো উগুরে ন-থায়।”

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

ইয়োব 1:12

সেক্কে লগেপ্রভু শদান্‌নোরে কলঅ, “ঠিগ্‌ আঘে; তার্‌ যিয়েনি আঘে সিয়েনি তঅ আঢত্‌ দিলুঙ্‌, মাত্তর্‌ তা কিয়্যেগান উগুরে তুই এক্কো আঙুল ন-বাজেবে।” সেক্কে শদান্‌নো লগেপ্রভুর মুজুঙোত্তুন্‌ নিগিলি গেলগোই।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

ইয়োব 2:6

সেক্কে লগেপ্রভু শদান্‌নোরে কলঅ, “ঠিগ্‌ আঘে; তারে তঅ‌ আঢত্‌ দিলুঙ্‌, মাত্তর্‌ তুই তারে পরাণে ন-মারিবে।”

ইয়োব 2:9

সেক্কে তা মোক্কো তারে কলঅ, “তুই এজঅ দাবি গরত্তে, তুই নিদ্দুযি? গোজেনরে দুজ্‌ দিইনে মুরি যাহ্‌।”

গীতসংহিতা 39:10

মঅ উগুরেত্তুন্ তর্ সাজাগান তুই সোরেই নেযা; তর্ আঢে মের্ খেইনে মুই পেরাই শেজ্ ওই যেইয়োং।

যিশাইয় 65:3

সেই মানুচ্চুনে মঅ মুয়োমি ওইনে মরে নিত্য কাঙেলেত্যে গোজ্যন্; তারা বাগানত্ উৎসর্বর অনুষ্ঠান গত্তন্ আর ইটো উগুরে আগর্‌বাট্টি জ্বালাদন্।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

লেবীয় 24:15

তুমি ইস্রায়েলীয়গুনোরে জানেই দুয়ো যুনি কনজনে তার গোজেনরে অভিশাব দেয় সালে তারে সিয়েনত্তে দায়ী গরা অবঅ।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।