ইয়োব 2:12 - Chakma Bible

¹² তারা দূরোত্তুন্‌ তারে দেগিনে চিনি ন-পারিলাক্‌। তারা দাঙর্‌ দাঙর্‌ গুরি কানা ধুরিলাক্‌ আর নিজো কাবড়ানি ফাদিনে মাধা উগুরে আগাজ ইন্দি ধূল্যে ছিদিলাক্‌।

ইয়োব 2:12 ပူးပေါင်းရင်းမြစ်များ

পত্থম 27:34

এষৌ তা বাব কধাগান শুনিনে গুজুরি গুজুরি কানিলো। সে পরেদি তে কলঅ, “বাবা, মরেয়ো বর্ দে।”

২ শমূয়েল 13:36

তা কধানি শেজ্‌ অনার লগে লগে রাজার পূঅগুনে এইনে গুজুরি গুজুরি গুরি কানা ধুরিলাক্। রাজা আর তার বেক্‌ কামগুরিয়্যেগুনেয়ো অমকদ কানা ধুরিলাক্।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

নহিমিয় 9:1

সে একই মাজর্‌ চোব্বিশ দিনোত্‌ ইস্রায়েলীয়গুনে এগত্তর্‌ ওইনে উবোস্‌ থেলাক্‌, বস্তা পাদা উরিলাক্‌ আর মাদাগুনোত্‌ ধূল্যে দিলাক্‌।

ইষ্টের 4:1

পুরো হবরান্‌ জানি পারিনে মর্দখয় উজ্যে কাবড়ান্‌ ফাদিনে বস্তা ফাদা উরিলো আর ছেই গুলিনে শঅর ভিদিরে যেইনে রঅ ছাড়ি ছাড়ি অমকদ কানা ধুরিলো।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

ইয়োব 19:14

মঅ কুদুম্মোগুনে যেয়োন্দোই; মঅ সমাজ্যেগুনে মরে পুড়ি ফেল্যন্দোই।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

যিহিষ্কেল 27:30

তারা তত্তে রঅ ছাড়িনে অমকদ কানাকুদি গুরিবাক্ আর নিজো মাঢাত্ ধূল্যে দিবাক্ আর ছেইয়ো ভিদিরে গোজ্যেবাক্।

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”

বিচের গুরিয়্যেগুন 2:4

লগেপ্রভুর দূত্তো যেক্কে ইস্রায়েলীয়গুনো ইদু এ কধানি কলঅ‌ সেক্কে তারা দাঙর্‌ দাঙর্‌ গুরি কাঁনা ধুরিলাক্‌।

১ শমূয়েল 11:4

মানুচ্চুনে যেক্কে হবর্ দিবাত্তে শৌলর নিজো শঅর্‌ গিবিয়াদত্‌ যেইনে সিদুগোর্ মানুচ্চুনোরে সেই বেক্‌ কধানি কলাক্ সেক্কে মানুচ্চুনে কিজেক্‌ কারিনে কাঁনা ধুরিলাক্।

১ শমূয়েল 30:4

এ অবস্থা দেগিনে দায়ূদে আর তার মানুচ্চুনে দাঙর্‌ দাঙর্‌ গুরি কানা ধুরিলাক্। যেরেন্দি এন্‌ অবস্থা অলঅ, তারার্‌ কানিবার্‌ বলঅ আর ন-রলঅ।

১ শমূয়েল 4:12

সেদিন্যে বিন্যামীন-গুট্টির এক্কো মানুচ্‌ সৈন্যদল ভিদিরেত্তুন নিগিলিনে দাবা যেইনে শীলোদত্ যেইনে লুমিলোগোই। তার কাবড়-চুগোরানি ফাদা এলঅ আর তে মাদাবোত্‌ মাদি তুল্যে।