ইয়োব 17:9 - Chakma Bible

⁹ মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

ইয়োব 17:9 ပူးပေါင်းရင်းမြစ်များ

পত্থম 20:5

সে মানুচ্চো দঅ নিজেই মরে কোইয়্যে, সিবে তার বোন, আর সে মিলেবোয়ো কলঅ, সিবে তার্ ভেই। মুই সরল মনে এ কামান গোজ্যং; সিয়েনবাদে বারেন্দিয়ো মঅ বেবহার ভিদিরে কনঅ দুজ্ ন-এলঅ।”

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

ইয়োব 22:30

ইগুন বাদেয়ো তে অন্য দুষি মানুচ্চুনোরেয়ো উদ্ধোর্‌ গুরিবো; তঅ আঢ্‌তান সিজি বিলিনে তারা উদ্ধোর্‌ পেবাক্‌।”

ইয়োব 27:5

তমা কধানি যে ঠিগ্ সিয়েনে কনদিন্‌অ মুই মানি ন-নেযেম; মর্ মরণ দিন্নো সং মুই কোম্বে, মুই সত্য কধা কোইয়োং।

ইয়োব 27:6

মুই যে নিদ্দুযি সেই দাবিগান মুই গুরিম, কোই কোই থেম্। মুই যেদক্‌দিন বাঁজিম্ সেদকদিন সং মঅ বিবেগ্‌‌কানে মরে দুষি ন-গুরিবো।

ইয়োব 31:7

যুনি মুই ভান্ন্যেই পধেদি টঙ্ দি থাং, মঅ চোগ্‌কুনে যুনি মঅ মনানরে পাপ্ গোরেই থান, বা মঅ আদত্ যুনি কনঅ পাপ চিহ্ন বাঁজি থায়,

ইয়োব 33:9

তুই কোইয়োচ্ছে, মুই সিজি, মর্ কনঅ পাপ নেই; মুই খাটি, মর্ কনঅ দুষ্ নেই।

গীতসংহিতা 11:3

কিত্তে কর্, “যুনি দুনিয়ে-সংসারর্ বেক্ আজল্ গোড়াগান ভাঙি ফেলা অয় সালে গোজেন ভক্তগুনোর্ গুরিবার আর্ কিচ্চু নেই”?

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 73:13

মঅ মনানরে মুই অনত্তক্ ঠিগ্ রাগেয়োং, মঅ আঢ্‌তানরে মিজে মিজে ঠিগ্ রাগেয়োং।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 84:7

যেবার পদত্ তারা বল উগুরে বল্ পান; তারা পত্তিজনে সিয়োনত্ গোজেনর মুজুঙোত্ আজিল্ অন।

গীতসংহিতা 84:8

ও লগেপ্রভু, বেগত্তুন খেমতাবলা গোজেন, মর্ তবনাগান শুন; ও যাকোবর গোজেন, মঅ কধাগান শুন।

গম্ উপদেজ্ 10:25

ঝড় বেঈ গেলে পাজিগানি আর ন-থায়, মাত্তর্ যে গোজেন ভক্ত তে জিংকানিবর্ অদে অদে থায়।

গম্ উপদেজ্ 10:30

গোজেন ভক্ত মানুচ্চুনে আমিঝে অদে অদে থান্, মাত্তর্ পাজি মানুচ্চুনে দেজত্ বজত্তি গুরি ন-পারিবাক্।

গম্ উপদেজ্ 14:16

জ্ঞানি মান্‌জ্যে ভান্ন্যেয়ানরে দোরেইনে সিয়েনত্তুন্ সুরি যান, মাত্তর্ জ্ঞান নেইয়্যে মান্‌জ্যে নিজো উগুরে বেশ্ বিশ্বেজ্ গুরিনে দুঘ্ সাহসী অন।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

মার্ক 7:2

তারা দেগিলাক্, যীশুর শিচ্চ্যগুনোত্তুন্ কয়েকজনে আঢ্ ন-ধোইনে অসিজিগুরি হেবাত্তে বোচ্চ্যন্।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।