ইয়োব 17:6 - Chakma Bible

⁶ গোজেনে মরে বেক্কুনোত্তুন্‌ ঘিনাইদে ধোক্ক্যেন্ গোজ্যে, যিবের্‌ মুয়োনত্‌ বেক্কুনে সেফ্‌ ফেলেই দুয়োন্‌ তা ধোক্ক্যেন্ গোজ্যন্।

ইয়োব 17:6 ပူးပေါင်းရင်းမြစ်များ

পত্থম 31:27

কিত্তে তুই চালাগি গুরি মরে ন-কোইনে চুর্‌গুরি ধেই এবে? মরে কলে দঅ মুই হজিয়্যে, গিদে-রেঙে, জোনজোনি আর বীণা বাজেইনে তরে বিদেই দিদুং।

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

ইয়োব 12:4

মুই গোজেনরে ডাগিদুঙ্‌ আর তে মরে জোব্‌ দিদো, তো মঅ সমাজ্যেগুনো ইদু মুই এক্কো আজিবার্‌ মানুচ্‌ ওইয়োং; গম্‌ আর নিদ্দুযি অলেয়ো মুই ইক্কিনে আজিবার্‌ মানুচ্‌ বাদে আর কিচ্ছু নয়।

ইয়োব 17:2

ঠাট্টা-তামাজা গুরিয়্যেগুনে হামাক্কাই মঅ চেরোকিত্তে আগন্‌; তারার্‌ উল্লোমি মনভাব্‌পান্‌ মুই দেগঙর্।

ইয়োব 30:10

তারা মরে ঘিনেইনে মত্তুন্ দূরোত্ থান্; মঅ মুয়োত্ শেফ্ ফেলাদেয়ো তারা ন-দরান্।

ইয়োব 30:9

আর তারার্ পুয়োগুনে গান গেই গেই মরে ঈচ্ গরন; তারা ইদু মুই এক্কো ঈচ্ গরা হেইয়্যে ওইয়োং।

গীতসংহিতা 44:14

অন্য জাদ্‌‌তুনোর ইদু তুই আমা নাঙানি ঘিনাইদে ধোক্ক্যেন্ ভাষা গোজ্যস্; মানুচ্চুনে আমারে দেগিনে মাঢাবো লাড়ান্।

গীতসংহিতা 44:15

যিগুনে মরে নিন্দে আর বদনাঙ্ গরন্ তারার কধানিত্তে, আর যে শত্রুগুনে মঅ উগুরে হেনা সুজিবাত্তে বুয়োই আগন্ তারাত্তেই, এক্কান অগমান আমিঝে মর্ মনত্ লাগিই আঘে; মুই লাজত্ পোজ্যং।

গীতসংহিতা 69:11

মুই যেক্কেনে বস্তাপাদা পিন্যং সেক্কে মান্‌জ্যে মরে ঈচ্ গোজ্যন।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

গণাণা 12:14

জোবত্‌ লগেপ্রভু মোশিরে কলঅ, “তা বাপ্পো যুনি তার্‌ মুয়োনত্‌ শেফ্‌ ফেলে দিদো সালে কি তে সাত দিন সং সে লাচ্ছান্‌ কুদু তদঅ? সাত দিন তারে তাম্বুলো বারেন্দি বানি রাগঅ, সে পরেদি তারে ফিরেই আনা যেবঅ।”