ইয়োব 17:4 - Chakma Bible

⁴ তুই তারার্‌ বুঝিবার মনান্‌ বন্ধ গুরি দুয়োজ্‌, সেনত্তে তুই তারারে জিদিবাত্তে ন-দিবে।

ইয়োব 17:4 ပူးပေါင်းရင်းမြစ်များ

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

ইয়োব 12:20

বিশ্বেজি মানুচ্চুনোর মুয়োনি তে বন্ধ গরে আর বুড়ো মানুচ্চুনোর্‌ চিদে-চেতনাগানি বর্‌বাত্‌ গরে।

ইয়োব 17:5

লাভ আজায় যুনি কনজনে তা সমাজ্যেগুনোরে দুষি গরে সালে তা পূঅগুনে দুঘ্‌ ভোগ্‌ গুরিবাক্‌।

যিশাইয় 19:14

লগেপ্রভু তারা ভিদিরে যাগুলুগ্ ভাব গুরি দিলো, সেক্কে মাত্তলে ধোজ্যেবো যেধোক্ক্যেন তার অগলেদে কামত্ টলমল গরে সেধোক্ক্যেন বেক কামানিত্ তারা মিসরানরে টলমল গরাদন্।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

রোমীয় 11:8

পবিত্র বোইবোত্ লেগা আঘে, “গোজেনে তারার্ মনানি এমন্‌ অকেজো গুরিলো যে, তারা এজঅ সং তারার্ চোগ্‌কুন্দোই দেগিনেয়ো ন-দেগন্ আর কানানিলোই শুনিনেয়ো ন-শুনোন্।”

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?