ইয়োব 16:9 - Chakma Bible

⁹ গোজেনে মরে জদবদে আক্রমণ গোজ্যে আর রাগে মরে কট্টা কট্টা গোজ্যে; তে মরে দেগিনে দাত্‌ কামারার্‌; মঅ বিপক্ষগুনে মঅ বিরুদ্ধে চোগ্‌ তুল্যন্‌।

ইয়োব 16:9 ပူးပေါင်းရင်းမြစ်များ

ইয়োব 13:24

কিত্তেই তুই মুয়োন্‌ লুগেই রাগেয়োচ্‌ আর মরে শত্রু বিলিনে মনে গরর্‌?

ইয়োব 13:27

তুই মঅ টেঙত্‌ দুড়িলোই বান্যচ্‌; মর্‌ বেক্‌ পথ্‌তানি উগুরে তুই কড়া নজর্‌ রাগেয়োজ্ আর মর্‌ টেঙ কুজ্‌ বারানা ঠিগ্‌ গুরি দুয়োজ্‌।

ইয়োব 18:4

তুই দঅ রাগে নিজোরে কট্টা কট্টা গরর্‌; তত্তেই কি পিত্‌মিগান ছাড়ি যাহ্ পুরিবো? নাকি মুড়োগুনোরে তা জাগানত্তুন্‌ সোরেই দিয়্যে পুরিবো?

ইয়োব 19:11

মঅ বিরুদ্ধে তার্‌ রাগ্‌কান্ জ্বলের্; তা শত্রুগুনোর এক্কো বিলিনে তে মরে মনে গরের্‌।

ইয়োব 30:21

তুই মঅ উগুরে চিৎনপুজ্যে বেবহার গোজ্যস্; তর্ খেমতাবলা আঢ্‌তোই তুই মরে আক্রমণ গোজ্যস্।

ইয়োব 33:10

তো গোজেনে মঅ দুষ্‌চান তগা ধোজ্যে; তে মরে তা শত্রু মনে গোজ্যে।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 35:16

উৎসবর সময়োত্ গোজেন উগুরে ভোক্তিনেইয়্যে ঠাট্টাগুরিয়্যেগুনো ধোক্ক্যেন্ মর্ বিরুদ্ধে তারা দাত্ কামারা কামারি গরা ধুরিলাক্।

গীতসংহিতা 37:12

গোজেন ভক্তগুনো বিরুদ্ধে পাজিগুনে সল্লা গুরিবাক্ আর তারার বিরুদ্ধে দাত্ কামেরেবাক্।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

আবিলেচ্ 3:10

মইদু তে হাপ্ দি থেইয়্যে ভালুগো ধোক্ক্যেন্ আর লুগি থেইয়্যে সিংহ ধোক্ক্যেন্;

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।