ইয়োব 10:9 - Chakma Bible

⁹ ইদোত্‌ তুল্‌, মাদি পিলে ধোক্ক্যেন্ গুরিনে তুই মরে বানেয়োজ্‌; ইক্কিনে তুয়ই কি আরঅ মরে ধূল্যে ধোক্ক্যেন্ গুরিবে?

ইয়োব 10:9 ပူးပေါင်းရင်းမြစ်များ

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

ইয়োব 10:10

দুধো ধোক্ক্যেন্ গুরিনে তুই মরে ঢাল্যচ্‌ আর ধোয় ধোক্ক্যেন্ গুরিনে মরে জমেয়োজ্‌।

ইয়োব 17:14

মরণর জাগায়ানরে যুনি কং, ‘তুই মঅ বাপ্পো,’ আর পুক্কোরে কঙে, ‘মঅ মাবো’ বা ‘মঅ বোন্নো,’

ইয়োব 33:6

গোজেনর মুজুঙোত্ তুই মুই সংসং; মরেয়ো মাদিলোই বানা ওইয়্যে।

ইয়োব 34:15

সালে বেক্ মানুচ্চুনে একসমারে ভস্ত ওই যেদাক্, তারা আরঅ ধূল্যে ওই যেদাক্।

ইয়োব 4:19

মাত্তর্‌ যিগুনে মাত্যে ঘরত্‌ বজত্তি গরন্‌, যিগুনোর গড়াগান্‌ অলদে ধূল্যেগান, যিগুনোরে পুগো ধোক্ক্যেন্ এনেবাদে মারে ফেলা যায়, তারা গোজেনর চোগেন্দি আরঅ‌ কত্তমান যে বেশ্‌ দুযি অবাক্‌!

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

ইয়োব 7:7

ও গোজেন, ইদোত্‌ রাগা, মঅ জিংকানিগান্‌ এক্কো নিজেস্‌ বাদে আর কিচ্ছু নয়; মুই দঅ আর সুগোর্‌ মু ন-দেগিম্‌।

গীতসংহিতা 103:14

কিবাবোত্যে গুরি আমারে বানেয়্যে সিয়েন দঅ তার জানা আঘে; আমি যে ধূল্যে বাদে আর্ কিচ্চু নয় সিয়েন তার ইদোত্ আঘে।

গীতসংহিতা 104:29

তুই মুয়োন লুগেলে তারা দরান্; তুই তারার জিংকানি-বোইয়্যেরান্ নেযেলে তারা মুরি যান, আরঅ তারা ধূল্যে ওই যান্।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 25:18

রিনি চাহ্ মর্ দুখ্ আর অমকদ দুঘো ইন্দি; মর্ বেক্ পাপ্পানি তুই ক্ষেমা গর্।

গীতসংহিতা 78:39

তে ভাবি চেলদে তারা দঅ মানুচ্, তারা বেঈ যেইয়্যে বোইয়্যের ধোক্ক্যেন যিয়েন ফিরি ন-এজে।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

গীতসংহিতা 90:3

মান্‌জ্যরে তুই ধূল্যেত্ ফিরি নেযাচ্; তুই কোই থাচ্, “ও মানুচ্চুনোর পুঅগুন, তুমি আরঅ ধূল্যেত্ ফিরি যঅ।”

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 45:9

অভিশাব্ পোড়োক্ সেই মানুচ্চোর, যে তার গোজেন লগে কোল্-কোজ্যে গরে। তে দঅ মাত্যে পিলেগুনো ভিদিরে এক্কো পিলে বাদে আর কিচ্চু নয়। মাদিগানে কি কুমোর্‌বো কবঅ, তুই কি বানেয়োচ্? তর্ বানেয়্যে জিনিস্‌চানে কি কবঅ, তঅ আঢ্‌‌‌‌‌‌তান কাবিল্ নয়? ‌‌‌‌

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিরমিয় 18:6

মুই কঙর্, ও ইস্রায়েলর মানুচ্চুন, মুই কি এ কুমোর ধোক্ক্যেন তমা লগে বেবহার গুরিবাত্তে ন-পারং? ও ইস্রায়েলর মানুচ্চুন, কুমর আঢর্ মাদি ধোক্ক্যেন তুমি মঅ আঢত্ আগঅ।

রোমীয় 9:21

একই মাদিত্তুন কি কুমোরর্ নানান্ বাবোত্যে কদরা বানেই ন-পারে-কোনবো সর্মানর্ কামত্যে, কোনবো নিযো কামত্যে?

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।